पोखरा, १३ माघ । समाचार लेखनका माध्यमबाट पर्यावरणीय संरक्षणमा योगदान पु¥याएको भन्दै राष्ट्रिय समाचार समिति गण्डकी प्रदेश कार्यालय पोखराका समाचारदाता वासुदेव पौडेललाई सम्मान गरिने भएको छ ।
नेपाल भ्रमण वर्ष २०२० लाई लक्षित गरी प्रकृतिका साथीहरू, मिलेनियम ट्रेक व्यवस्थापन समिति र राङभाङ युवा क्लबको आयोजनामा राङभाङमा यही माघ २४ र २५ गते गर्न लागिएको लाटोकोसेरो तथा हुचील उत्सवका अवसरमा पौडेललाई सम्मान गर्न लागिएको मिलेनियम ट्रेक व्यवस्थापन समितिका महासचिव हर्क गुरुङले जानकारी दिए ।
उत्सव आयोजक मूल समितिको यही माघ २ गते बसेको बैठकको निर्णय अनुसार समाचार लेखनका माध्यमबाट यस क्षेत्रको पर्यावरणीय संरक्षण र सम्भावनाको उजागरका साथै सहस्राब्दी पदमार्ग (मिलेनियम ट्रेक) को प्रवद्र्धनमा योगदान गरेबापत पौडेललाई सम्मान गर्न लागिएको गुरुङले बताए ।
सो अवसरमा डिभिजन वन कार्यालय स्याङ्जालाई संस्थागत सम्मान गरिनेछ । तनहुँको दुलेगौँडाबाट स्याङ्जाको रामबाछा जोड्ने ७२ किलोमिटर दूरीको सहस्राब्दी पदमार्गअन्तर्गत करिब बीच भागमा पर्ने राङभाङमा आयोजित उत्सवमा सम्मान गरिने छ । मूल समितिले उत्सवका अवसरमा वातावरण एवं प्रकृतिका क्षेत्रमा योगदान गर्ने अन्य संस्था तथा व्यक्तिलाई पनि सम्मान गरिने यसअघि नै सार्वजनिक गरेको थियो ।
Related News
सम्बन्धित समाचार
बुढ्यौलीमा भेडीगोठ मोह
पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
जलवायु परिवर्तन असर : मुस्ताङको स्याउ उकालो चढ्दै
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
hero news full width
मुख्य समाचार
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१