पोखरा । भूतपूर्व सैनिक संघ (गेसोे) का संस्थापक अध्यक्ष पदमबहादुर गुरुङले बेलायती सरकारविरुद्ध कडारुपमा आन्दोलनका कार्यक्रम गर्ने चेतावनी दिएका छन् ।
उनले हजारौं नेपाली नागरिकलाई गैरकानूनी बाटोबाट बेलायती सेनामा भर्ति गराएर विभिन्न युद्धमा मर्न बाध्य पारेको भन्दै त्यसको हिसाबकिताब खोज्न आफू निरन्तर लागिरहेको सुनाए । यसैका लागि गेसोले स्याङ्जाको साल्मेडाँडामा गोर्खा समाधिस्थल निर्माणको काम गरिरहेको छ । विश्वका सबै देशमा पुगेर वीरगतिप्राप्त गरेका गोर्खाली सैनिकको अस्तु ल्याएर समाधिस्थल निर्माण गर्न लागिएको हो । समाधिस्थलले बृटिस साम्राज्यवादको शिर झुक्ने उनको दाबी छ । हालसम्म बेलायती प्रधानमन्त्री नेपाल नआएको भन्दै उनले त्यो घमण्ड तोडेर नेपालीसँग माफी माग्न बाध्य पारिने बताए । बेलायतले बिनातलब युद्धमा लगेको र मरेका गोर्खा सैनिकबारे कुनै जानकारी नगराएकोप्रति विश्वको ध्यानाकर्षण गराउने गुरुङले सुनाए ।
शनिबार पत्रकार सम्मेलन गरी उनले भने, ‘अब नेपाली युवा बेलायती क्याम्पमा स्वाभीमानि छाती नाप्न जाँदैनन् । हाम्रा पुर्खाहरुलाई कहाँ लगेर मा¥यौ भनेर प्रश्न गर्नेछन् ।’ उनका अनुसार सन् २०२० भित्रै समाधिस्थल निर्माणको काम सकेर बेलायती प्रधानमन्त्रीबाट उद्घाटन गराउने कार्यक्रम छ । ‘डिसेम्बरसम्म पहिलो चरण पूरा हुन्छ । त्यसको उद्घाटनमा बेलायती प्रधानमन्त्री आउनैपर्ने हुन्छ,’ उनले भने, ‘त्यसपछि भूपू सैनिकको पेन्सन समान हुन्छ । नेपाल बसेको समयको भत्ता पनि काटिँदैन ।’ ८० भन्दा बढी देशमा पुगेर भूपू सैनिकका अस्तुको माटो र चिहानको डाटा संकलन गर्नुपर्ने भन्दै उनले त्यसको आर्थिक ब्यवस्थापन सरकारले मिलाउनुपर्ने बताए ।
विकासको पूर्वाधार तयार गर्नुपर्ने भएकोले नेपाललाई उपनिवेशमा बेलायतले नलिएको उनको आरोप छ । ‘उपनिवेशमा लिँदा भारतलाई जस्तै पूर्वाधार बनाइदिनुपर्ने थियो । त्यसो हुँदा नेपाल आफै विकासको बाटोमा अघि बढ्ने र समृद्ध हुँदै एशियामै शक्तिशाली राष्ट्र बन्ने डर बेलायतलाई थियो,’ गुरुङले भने, ‘त्यसैले आफ््नो स्वार्थ अनुकूल नेपाललाई अखडा बनाएर एशियाको राजनीतिमा पश्चिमा राष्ट्रको चलखेल बढाउन नेपाललाई कमजोर बनाएको हो । जसका कारण नेपाललाई उपनिवेश नबनाएर युवा रोजेको हो ।’ गोर्खा भूतपूर्व सैनिक संघ गेसोले सन् २००२ मा पहिलो पटक बेलायती महारानीलाई विपक्षी बनाएर मुद्दा दर्ता गरायो । त्यो पनि बेलायतकै रोयल कोर्ट अफ जस्टिसमा । जुन घटनाले विश्वको ध्यानकेन्द्रित गरेको थियो । ‘सन् २००० को जनवरीमै बेलायती अदालतमा मुद्दा हाल्न जाने औपचारिक घोषणा भएको थियो । मुद्दा दर्ता गर्न नदिन विभिन्न षड्यन्त्रहरु शुरु भए । व्यक्तिगत रुपमा ममाथि पनि चौतर्फी हमला भयो,’ उनले भने, ‘मलाई आतंककारी र भ्रष्टचारी भनेर आरोप लगाइयो । ममाथि त्यो बेला ३ पटकसम्म सांघातिक हमला गरेर घाइते बनाएका छन् । तर मैले हरेश खाइनँ ।’
गोर्खा भर्तिको २ सय वर्ष पूरा भयो । यो अवधिमा कति गोर्खालीहरुले वीरगति पाए भन्ने तथ्यांक स्पष्ट छैन । ‘पशुको त फरक देशमा ओसारपसार हुँदा लगत स्पष्ट राखिन्छ । तर नेपालमा मान्छेको समेत लगत छैन । यो कस्तो विडम्बना ?,’ गुरुङले भने, ‘आफ्नो नागरिकबारे सरकालाई चिन्ता छैन । खोजखबर छैन । यति ठूलो संख्यामा आफ्ना नागरिकलाई मारेर बेपत्ता बनाउँदा पनि नेपाल सरकार चुइँक्क बोल्दैन ।’ गेसोले आन्दोलन नगरेको भए हजारौं नेपालीको लास बेपत्ता बनाउने उनको भनाइ छ । उनको तथ्यांकमा नेपालका १९ जातिका युवा बेलायती सेनामा भर्ति भएका छन् । गोर्खा सैनिकविरुद्ध बेलायतले गरेको सबै गलत सम्झौता र परिचालनबारे विश्वमा जानकारी गराउने र त्यसविरुद्ध मुद्दा लड्ने उनको भनाइ छ । गेसोले समाधिस्थल निर्माणका लागि ५० करोड रुपैयाँ विनियोजन गर्न नेपाल सरकारसँग माग गरेको छ ।
Related News
सम्बन्धित समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
गण्डकीमा संविधान भर्सेज सर्वोच्च
पोखराको अमरसिंहको बिजुली पसलमा आगलागी, १ करोडको क्षति
hero news full width
मुख्य समाचार
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१