ऋषिराम बराल -पोखरा ।शिक्षामा पछि पर्नेमा एक समुदाय हो–गुरुङ । अघिल्लो पिँढीले कम शिक्षाकै कारण बेलायती र भारतीय सेनामा सेवा गर्दा होस् वा रोजगारीका लागि जापान, अमेरिका, कोरिया लगायत थुप्रै देशमा जाँदा हण्डर खानुप¥यो । सो चोटले आफ्नो पछिल्लो पुस्तालाई गुणस्तरीय शिक्षा दिनुपर्ने रहेछ भन्ने गुरुङ समुदायले बुझ्यो । र, आर्थिक हैसियत राम्रो भएका परिवारले आफ्ना छोराछोरी गुणस्तरीय शिक्षा प्रदान गर्ने विद्यालयमा भर्ना गरे ।
अर्कोतर्फ, आर्थिक अवस्था कमजोर र पढाइमा अब्बल भएर पनि उच्च शिक्षा हासिल गर्न नसक्ने विद्यार्थीको लागि पनि पढ्ने वातावरण मिलाउनु नै थियो । त्यस्ता विद्यार्थीलाई उच्च शिक्षामा सहयोग र प्रोत्साहन गर्न २०५८ सालमा रोजगारीका लागि जापान पुगेका गुरुङ युवाले तमु सांस्कृतिक प्रतिष्ठान नेपाल स्थापना गरे । संस्थाले यतिबेला छात्रवृत्ति अक्षयकोष खडा गरी नेपालका १७ जिल्लाका ९१ जना विद्यार्थीलाई छात्रवृत्ति प्रदान गरी उच्च शिक्षामा सहयोग गरिरहेको छ ।
एसएससी÷एसइई उत्तीर्ण सर्वोकृष्ट गुरुङ विद्यार्थीलाई पुरस्कृत गर्ने कार्यको थालनी गरेको प्रतिष्ठानले अहिले भाषा, संस्कृति, धर्म, संस्कार र इतिहासमा योगदान पु¥याएको गुरुङ समुदायका व्यक्तिलाई समेत सम्मान गर्दै आएको छ । संस्थाको मुख्य उद्देश्य नै गुरुङ समुदायको शैक्षिकस्तरमा वृद्धि गरी राष्ट्रको जिम्मेवार नागरिक बनाउने नै रहेको छ । तमु सांस्कृतिक प्रतिष्ठान नेपालको शनिवार पोखरामा १९ औं वार्षिकोत्सव मनायो । जहाँ अक्षयकोष खडा गर्नेहरुको भीड नै लाग्यो । शनिवार स्रष्टा सम्मान एवम छात्रवृत्ति वितरण गर्नकै लागि काठमाडौंदेखि राष्ट्रिय सूचना आयोगका आयुक्त महेन्द्रमान गुरुङ पोखरा आइपुगेका थिए ।
सामाजिक क्षेत्रमा योगदान भए पनि अन्य क्षेत्रमा गुरुङको प्रभाव निकै कम छ भन्दै शिक्षामा अगाडि बढ्ने उनले उक्त समुदायलाई प्रोत्सासन गरे । संविधानले दिएको अधिकार उपयोग गर्न समेत उनले जोड दिए । भाषिक, कला, संस्कृति लगायतको सामुदायिक अधिकार प्राप्त गर्न गुरुङसक्षम बन्नुपर्नेमा उनको जोड छ । ‘भाषा आयोग बनेको छ आफ्नो भाषाको बारेमा जानकारी राख्न भाषा आयोगको सदुपयोग गर्र्नुपर्छ,’ उनले सुझाव दिए ।
तमु धिं युकेका उपाध्यक्ष हरि गुरुङले हाल वितरण गरिरहेको छात्रवृत्तिमध्ये करिब ९० जना विद्यार्थीलाई तमु धिं युकेको पहलबाट नै भएको कुरा सुनाए । सोही समारोहमा धनबहादुर लामिछाने स्मृति पुरस्कारबाट साहित्यकार तेजबहादुर चाक्ली गुरुङलाई २० हजार रुपैयाँबाट सम्मान गरियो । उक्त पुरस्कारका लागि स्व. धनबहादुर लामिछानेको परिवारबाट स्मृति कोष स्थापना गरिएको हो । क्या. मीनबहादुर गुरुङ (डाँफे बाजे) स्मृति पुरस्कारबाट लोकगीत संगीतमा लामो योगदान गर्दैआएका गायक, संगीतकार, नृत्यनिर्देशक धनबहादुर गुरुङ १० हजार रुपैयाँबाट सम्मानित भए । उक्त पुरस्कारका लागि प्रतिष्ठानले क्या.मीनबहादुर गुरुङको स्मृतिमा छ्याँडु प्रतियोगिता आयोजना गरी कोष स्थापना गरिएको थियो । पार्वता स्मृति समाजसेवी सम्मान पुरस्कारबाट वरिष्ठ समाजसेवी मनवीर गुरुङ ढासा सम्मानित भएका छन् ।
प्रतिष्ठानका पूर्व अध्यक्ष तथा सल्लाहकार गिरीप्रसाद गुरुङ स्व. आमाको स्मृतिमा उक्त अध्यक्षकोष स्थापना गरी समाजसेवी, पत्रकार, चलचित्रकर्मीलाई पालैपालो सम्मान गर्दै आएका छन् । लालशोभा उत्कृष्ट आमा सम्मानबाट यस वर्ष तमु विद्यार्थीमध्येबाट नेपालमै उत्कृष्ट अंक प्राप्त गरी गत वर्षको एसइई उत्तीर्ण अन्नपूर्ण मावि सिक्लेसकी स्नेह गुरुङकी आमा बेलसुवा गुरुङलाई सम्मान गरिएको थियो । यस्तै, उत्कृष्ट विद्यार्थी छात्रवृत्ति लमजुङका पवन गुरुङलाई २० हजार रुपैयाँ र दाता ज्ञान गुरुङतर्फबाट ४० हजार रुपैयाँ प्रदान गरिएको थियो।
सम्मानित तथा पुरस्कृतलाई प्रमुख अतिथि महेन्द्रमान गुरुङ, कोषका दाता र प्रतिष्ठानका अध्यक्ष चित्रबहादुर गुरुङले सम्मान गरेका थिए । सम्मानिततर्फबाट तेजबहादुर चाक्ली र पवन गुरुङले मन्तव्य व्यक्त गरेका थिए । उक्त कार्यक्रममा गायक धनबहादुुर गुरुङ, नीशा गुरुङ र नवगायिका एलिना गुरुङले गीत प्रस्तुत गरे । कार्यक्रममा विद्यार्थी समिति, सिक्लेस सभाथर दिदीबहिनी समूह र स्नेह गुरुङले नृत्य प्रस्तुत गरेकी थिइन् । तमु सांस्कृतिक प्रतिष्ठान नेपालका अध्यक्ष चित्रबहादुर गुरुङको अध्यक्षतामा भएको कार्यक्रमको संचालन वरिष्ठ उपाध्यक्ष श्रीजंग गुरुङले गरेका थिए ।
Related News
सम्बन्धित समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
गण्डकीमा डायलाइसिसका लागि अब पालो कुर्न नपर्ने
स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१