पोखरा, ५ माग । स्याङजा जिल्ला विरुवा गाँउपालिका– ३, र पुतलीबजार नगरपालिका– २ को सीमानामा पर्ने राङभाङ(भैसेगौँडामा ‘नेपाल लाटोकोसेरो तथा हुचील उत्सव २०७६’ आयोजना गरिने भएको छ । राङभाङ क्लब, मिलेनियम टे«क व्यवस्थापन समिति र प्रकृतिका साथीहरु संस्थाको आयोजनामा कार्यक्रम गर्न लागिएको हो । यसका लागि ७ सदस्यीय ‘नेपाल लाटोकोसेरो तथा हुचील उत्सव’ आयोजक मूल समिति बालकुमार गुरुङको संयोजकत्वमा गठन गरिएको छ ।
उत्सव यही माघ २४ र २५ गते दुई दिन गरिने छ । किसानको साथी भनेर चिनिने तर संरक्षणको हिसाबले ओेझेलमा परेको लाटोकोसेरो तथा हुचीलहरुको संरक्षणका लागि यो उत्सव आयोजना गर्न लागिएको हो । स्थानीय सांस्कृतिक कार्यक्रम तथा खेलहरुको माध्यमबाट पर्यापर्यटन प्रवद्र्धन गर्ने उद्देश्य समेत राखिएको छ । नेपालमा यस किसिमको उत्सव मनाउन थालिएको ८ वर्ष भएको छ । यसअघि यो उत्सव धादिङ, चितवन, नवलपरासी, गोरखा, कास्की, कपिलवस्तु, दोलखा र खोटाङ जिल्लामा सम्पन्न गरिसकिएको छ । यस किसिमको उत्सव नेपालबाहेक अमेरिका, इटाली र भारतमा पनि मनाइन्छ ।
उत्सव शुरु हुनु दुई हप्ता अघि नै विभिन्न विद्यालयहरुमा लाटोकोसेरो चेतना शिविरहरु सञ्चालन गरिने छ । उत्सवको पहिलो दिन चरा अवलोकन, प्रकृतिको फोटो खिच्ने कार्यक्रम, लाटोकोसेरा सम्बन्धीु म्युजियम प्रदर्शनी, स्थानीय लोपोन्मुख खेलहरु तथा सांस्कृतिक गीत तथा नाँचको प्रर्दशनी गरिने छ । सोही दिन भुरुम, घोचा गाड्ने, ठेला, पाङग्रा घुमाउने, घुयत्रो जस्ता स्थानीय लोपोन्मुख खेलको प्रदर्शनी तथा प्रतियोगिता आयोजना गरिने छ ।उत्सवको पहिलो तथा दोश्रो दिन स्वागत गीत, स्थानीय सास्कृतिक कार्यक्रमहरु घाटु, झोरा, सोरठी, कौडा, नौमती बाजा, भजन, सालैजु, २२ ताल भाका, छैटी आदिको प्रर्दशनी हुनेछ । वन विज्ञान अध्ययन संस्थान पोखराका विद्यार्थीहरुले लाटोकोसेरो संरक्षण सम्बन्धी नाँच समेत प्रदर्शन गर्नेछन् ।
उक्त अवसरमा विद्यालय स्तरीय लाटोकोसेरो चित्रकला, कथा, निबन्ध तथा कविता प्रतियोगिताको आयोजना र उत्कृष्टको प्रदर्शनी समेत गरिनेछ । सोही प्रदर्शनीमा लाटोकोसेरोको जानकारी भएको सूचनाहरु, चित्रहरु, तथा फोटोहरुको प्रदर्शनी पनि गरिने छ । गहँुको छ्वालीबाट, चुराबाट, ढुङगाबाट, स्टीलको पाताबाट, लप्सीको दानाबाट तथा माटोबाट बनाइएका लाटोकासेरोहरु समेत प्रदर्शनीमा राखिने छन् । आठ प्रजातिको लाटोकोसेरोहरुको आवाज सुन्ने र भिडियो हेर्ने व्यवस्था मिलाइएको छ । उत्सवमा सहभागी हुनेहरुको अनुहार तथा नङमा लाटोकोसेरो तथा हुचीलको चित्रसमेत बनाइने व्यवस्था गरिएको छ । उत्सवमा लाटोकोसेरोको एक फिट अग्लो रोबोट समेत प्रदर्शनी गरिनेछ । त्रिभुवन विश्वविद्यालय अन्र्तगत प्राकृतिक विज्ञान संग्रहालयबाट लाटोकोसेरोको नमूनाहरुपनि प्रदर्शनीमा राखिने छ । सो अवसरमा वन्यजन्तु अनुसन्धानकर्मीहरुको आफ्नो अनुसन्धानको बारेमा पोष्टर प्रस्तुती गर्नेछन् ।पश्चिमाञ्चल सामुदायिक अस्पताल, पृथ्वीचोकको सहयोगमा माघ २४ र २५ गते निःशुल्क स्वास्थ शिविर समेत गर्न लागिएको छ । उक्त अवसरमा महिला, हाडजोर्नी तथा बच्चा सम्बन्धी रोगहरुको उपचारलाई प्राथमिकता दिइने छ ।
राष्ट्रिय प्रकृति संरक्षण पुरस्कार
उत्सवको अन्तिम दिन चार जना नेपाली अनुसन्धानकर्मी र संरक्षणकर्मीहरुलाई संरक्षणको क्षेत्रमा गरेको योगदानको कदर गर्दै ‘प्रकृति संरक्षण पुरस्कार’ समेत दिन लागिएको छ । संरक्षणकर्मीहरुलाई जनही नगद २५ हजार रुपैयाँ सहित ताम्रपत्र तथा दोसल्लाबाट सम्मान गरिने छ । यस वर्ष पुरस्कृत हुनेहरुमा पोखरा पंक्षी समाजका अध्यक्ष एवम संरक्षणकर्मी मनशान्त घिमिरे, धनघढीका पत्रकार अविनाश चौधरी, ग्रीन गार्ड नेपालका अध्यक्ष एवम काठमाण्डौ निवासी संरक्षणकर्मी विश्वनाथ रिजाल र शुक्लाफान्टा राष्ट्रिय निकुञ्जका प्रमुख संरक्षण अधिकृत लक्ष्मण प्रसाद पौडेल रहेका छन् ।
लामो समय देखि वन, वातावरण तथा वन्यजन्तु संरक्षणमा योगदान गरेका दुईवटा संस्थालाई पनि दोसल्ला र ताम्रपत्रले सम्मान गर्न लागिएको छ । यसरी सम्मानित हुनेमा वर्दिया जिल्लामा कार्यरत बर्दीया प्रकृति संरक्षण क्लब र पाचँथर जिल्लामा कार्यरत दीपज्योति युवा क्लब रहेका छन् ।
यसले स्याङजा र तनहँु जिल्लाका ४ वटा नगरपालिका र १ वटा गाँउपालिका समेटेको छ । ७२ किलोमीटर लामो यो पदमार्गले मध्य पहाडि क्षेत्रलाई समेटेको छ । समुन्द्र सतहबाट करिब १५०९ मीटरको उचाइमा रहेको यो गाँउबाट अन्नपूर्ण, धौलागिरि, मनास्लु हिम श्रृखंला देखिन्छ । गुरुङ र मगर समुदायको बाहुल्यता रहेको यो ठाँउ आसपासमा घाटु, सोरठी, झोरा, पञ्चे बाजा आदि अनुभव गर्न सकिन्छ ।
यस क्षेत्रमा रतुवा, दुम्सी, खरायो, वाँदर, लंगूर, चितुवा, चरी बाघ, स्याल, काँडेभ्याकुर, कालिज, लामपुच्छ्रे, तित्रा, सुगा, मलेवा, ढुकुर, लाटोकोसेरो, हुचिल, कोईली, जुरेली सजिलै देख्न सकिन्छ । चरा अवलोकनको लागि यो क्षेत्र उत्कृष्ट मानिन्छ ।
काठमाडौंबाट पोखरा हुँदै स्याङजा, वालिङ वा पाल्पा जाने कुनै पनि बसमा गएर स्याङजाको सदरमुकाम नजिकै चन्द्रनगर (घुम्ती) भन्ने ठाँउमा झर्नु पर्छ । पोखरादेखि स्थानीय बसहरु समेत घुम्ती सम्म उपलब्ध छन् । पोखराको पृथ्वीचोक स्थित मुक्तिनाथ बैंक नजिकै रहेको ट्याक्सीहरुले प्रति व्यक्ति २५० का दरले वा रिर्जभमा (४ जना अट्ने) १००० मा घुम्तीसम्म जान्छन् । घुम्तीबाट राङभाङसम्म ३ वटा जिपहरु दिउसो २ बजेतिर जानेगरी नियमित रुपमा उपलब्ध छन् ।
उत्सवको बेला माघ २३ गते बेलुका, माघ २४ र २५ विहान अतिरिक्त वसको व्यवस्था गरिने बतायएको छ स्याङजाको घुम्ती बजारबाट ४५ मीनेटमा गाडी (ग्राउण्ड क्लियरन्स राम्रो भएको, मोटर साइकल वा स्कुटीमा पनि पुग्न सकिन्छ । साना मिनी बसहरु गाँउसम्म पुग्छन् । प्रकृतिमा रुची राख्नेहरु २ देखि ३ घण्टामा हिँडेर घुम्तीबाट गाँउसम्म पुग्न सक्छन् ।घुम्तीबाट ज्यामीरे हुँदै अन्य जीपहरु ओरस्टे, कोल्मासम्म जान्छन् । सो जिपमा ज्यामिरेसम्म गएर थप ४५ मीनेट सम्म पैदल बाटो हिँढेर पनि राङभाङ पुग्न सकिन्छ । पोखरा स्थित बसपार्कबाट दिउसो २ बजे एक बस ज्यामिरे हुँदै ओरस्टे जाने गर्दछ ।
निजी साना वाहान (ग्राउण्ड क्लीयरन्स राम्रो भएको) र मोटरसाइकल तथा स्कुटी हुनेहरु मुङलिन देखि पोखरा सडक खण्डमा दुलेगौडा भन्ने ठाँउबाट कोल्मा हुँदै पनि राङभाङ पुग्न सकिन्छ । करिब ४५ कीलोमीटर लामो यो बाटोमा (दुलेगौडा देखि राङभाङ) २० किलोमीटर कच्ची तर सहज बाटो पर्छ । यो क्षेत्रमा सामुदायिक होमस्टे छ । घर घरमा सो अवधिका लागि होमस्टेको व्यवस्था गरिएको छ । प्रतिदिन प्रति व्यक्ति रु ६०० (बेलुकी खाना, सुतेको र विहान खाजा) निर्धारण गरिएको छ । अतिरिक्त साधा खानाको रु. २००, कुखुराको मासु रु १५० प्रति प्लेट उपलब्ध हुनेछ ।
Related News
सम्बन्धित समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
गण्डकीमा डायलाइसिसका लागि अब पालो कुर्न नपर्ने
स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१