पोखरेली स्रष्टा अर्जुनरत्न भिकारीको ‘पञ्चामृत’ एल्वम आठौं म्यूजिक खबर म्यूजिक अवार्ड–२०७६ मा सर्वोत्कृष्ट घोषित भएको छ।

एसके मिडियाको आयोजनामा काठमाडौंमा सम्पन्न कार्यक्रममा वर्ष उत्कृष्ट एल्बम नेमिनेसनमा परेका ५ एल्वमबाट पञ्चामृतले अवार्ड हात पारेको हो। भिकारीले रचना गरेका ५ गीत समावेश एल्वम १ वर्षअघि बजारमा आएको थियो।

एल्वममा सुरज थापाको स्वर स्वर रहेको धनले हैन मनले.., स्वरुपराज आर्चाको स्वर रहेको श्रद्धाञ्जली.., प्रमोद खरेलको आवाज रहेको मन मनतै हो.., मेलीना राईको स्वर रहेको जवानीको ऐना..र सुरेश श्रेष्ठको स्वरको काजल …बोलका गीत छन्। संगीतकार सुनिल मास्के छन्।

यसैगरी, एल्वममा रहेको गीत धनले हैन मनले..वर्ष उत्कृष्ट एरेन्ज र वर्ष उत्कृष्ट लिरिक्सको उपाधि समेत जित्न सफल भएको छ। विजेतालाई वरिष्ठ गीतकार यादव खरेल, चलचित्रकर्मी चेतन कार्की, वरिष्ठ गीतकार कालीप्रसाद रिजाल, गीतकार संघ अध्यक्ष चूडामणि देवकोटा, राष्ट्रिय सभा सदस्य कोमल वली लगायतले पुरस्कृत गरे। कार्यक्रममा विभिन्न ६ विधामा अवार्ड दिइएको थियो।

पोखरा विन्ध्यवासिनीका भिकारी २७ वर्षदेखि बेल्जियम बस्दै आएका छन्। उनको रचनामा ४ गीत समावेश रहेको ‘जय मायाप्रेम’ एल्वम गत वर्ष चैतमा बजारमा आएको थियो।

आफूमा सानैदेखि संगीतप्रति लगाव रहेको भन्दै उनले सधैँ नेपाली गीत–संगीत विकासमा लाग्ने बताए।