पोखरा । १३ औ दक्षिण एशियाली खेलकुद प्रतियोगिता (साग) को महिला फुटबलमा भारतले अर्को जित निकालेको छ ।
पोखरा रंगशालामा भएको खेलमा भारतले आयोजक नेपाललाई १–० गोल अन्तरले हराउँदै समूह विजेता बनेको छ ।
चार देशमात्रै सहभागी भएकाले प्रतियोगिता राउन्ड रोबिनका आधारमा खेलाइएको थियो । जसमा शनिबार भएको भारत र नेपालबीचको खेललाई ‘प्रिभ्यू म्याच’ का रुपमा हेरिएको थियो ।
समूह विजेता र उपविजेता बनेपछि फाइनलमा पनि यी दुवै राष्ट्र भिड्नेछन् । यद्यपि, १ खेल अगावै दुवैले फाइनल यात्रा पक्का गरिसकेका थिए । दुवै देश स्वर्ण पदकका लागि सोमबार फाइनल खेल्नेछन् ।
भारतकी स्ट्राइकर एनजी बालादेवीले खेलको १८ औं मिनेटमा गोल गर्दै आफ्नो राष्ट्रलाई अग्रता दिलाइन् । खेल निकै प्रतिस्पर्धात्मक भएपनि बालादेवीको गोल नेपालले फर्काउन नसक्दा समूह उपविजेतामै सीमित हुन पुग्यो ।
नेपाली टिमले घरेलु मैदानमा नेपाली दर्शकले राम्रै साथ पाएको थियो । खेलको १० औ मिनेटमा सरु लिम्बुले डिबक्स भित्र पाएको राम्रो अवसरलाई बायाँ खुट्टाले प्रहार गर्दा बल फस्टबार नजिकैबाट बाहिरिएको थियो ।
सावित्रा भण्डारी ‘साम्बा’ लाई नेपाली टिमका गोल मेसिन मानिएपनि भारतविरुद्ध पाएको अवसरलाई गोलमा परिणत गर्न सकिनन् । उनले जारी सागमै अन्तर्राष्ट्रिय महिला फुटबल जगतमा सर्वाधिक गोलकर्ताको कीर्तिमान बनाइन् ।
पहिलो हाफको २० औ मिनेटमा सावित्रा भण्डारी ‘साम्बा’ले हानेको प्रहार गोल पोष्ट नजिकबाट बाहिरिएको थियो । भारतले पाएको थोरै अवसरलाई उनीहरुले खेर फालेनन् ।
नेपाली टिमले सुखद नतिजा भने दिलाउन नसकेको नेपाली टिमका प्रशिक्षक हरि खड्काले स्वीकारे । प्रशिक्षक खड्काले भने ‘भारतसँग हाम्रो खेल एकदमै टफ लेबलको थियो । तर, पाएका अवसरलाई सदुपयोग गर्न नसक्दा हा¥यौं ।’
भारतीय प्रमुख प्रशिक्षक म्यामल रक्की खेल जित्न धेरै कठिन भएको प्रतिक्रिया दिइन् । उनले भनिन् ‘आजको खेल एकदमै प्रतिस्पर्धात्मक भयो । मलाई लाग्छ हामीलाई मात्रै होइन, विपक्षीलाई पनि खेलअवधिभर उत्तिकै प्रेसर भएको हुन सक्छ ।’
जारी १३ औं दक्षिण एसियाली खेलकुद (साग) महिला फुटबलमा माल्दिभ्सले कास्य पदक हात पारेको छ । शनिबार भएको खेलमा माल्दिभ्सले श्रीलंकालाई २–१ गोलअन्तरले पराजित गरेको हो ।
राउन्ड रोबिन लिग आधारमा भएको खेलमा श्रीलंका र माल्दिभ्स दुवैले जारी प्रतियोगितामा खाता खोल्न सकेका थिएनन् । दुवै नेपाल र भारतसँग पराजित हुँदै तेस्रो स्थानका लागि भिडेका हुन् । लिगमा तल्लोस्थानमा रहेकैले शनिबार भएको खेलबाट कास्य पदक छिनोफानो गरिएको हो ।
खेलको अग्रता माल्दिभ्सका ऐसथ फिरुसाले ४३ औं मिनेट गोल गर्दै लिएकी थिइन् । पहिलो हाफको अन्तिमा समयमा गोल खाएपछि श्रीलंका दबाबमा परेको थियो । लगत्तै दोस्रो हापको पहिलो मिनेट (४६)औं मिनेटमा माल्दिभ्सकै अमिनाथ सामिलाले गोल गर्दै अग्रता दोब्बर गरेकी थिइन् । श्रीलंकाकी चलानी एकनायकाले ७१ औं मिनेटमा गोल गर्दै माल्दिभ्सको गोलअन्तर घटाएकी थिइन् ।
Related News
सम्बन्धित समाचार
व्यवसाय दर्ता र कर सचेतनाका लागि पोखरा महानगरले गर्यो क्याम्पसहरूसँग समझदारी
एनएलएलमा धनगढीसँग पोखरा थन्डर्स स्तभ्ध
महिला खेलाडीबाट बढी स्वर्ण
सागमा महिला खेलाडीहरुले दिलाए नेपाललाई बढि स्वर्ण
पदकधारी नेपाली खेलाडीलाई सरकारको विशेष पुरस्कार
hero news full width
मुख्य समाचार
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१