कास्कीमा नेकपाकी भट्टराई विजयी

rss रासस
मंसिर १५, २०७६

कास्की क्षेत्र नं २ बाट प्रतिनिधिसभा सदस्यमा नेपाल कम्युनिष्ट पार्टी (नेकपा) का विद्या भट्टराई आफ्ना प्रतिद्वन्द्वी नेपाली काँग्रेसका खेमराज पौडेललाई आठ हजार ४०३ मतन्तरले पराजित गरी विजयी भएकी छन् ।

उनले २४ हजार ३९४ मत प्राप्त गरी विजयी भएकी हुन् । भने काँग्रेसका पौडेलले १५ हजार ९९१ मत प्राप्त गरेका थिए। त्यस्तै, समाजवादी पार्टीका धर्मराज गुरुङले १ हजार ९२२, राप्रपाका रोमबहादुर भण्डारीले १ हजार १५३ र साझा पार्टीका रजनी केसीले ९९१ मत प्राप्त गरेको निर्वाचन अधिकृतको कार्यालयले जनाएको छ । यस क्षेत्रमा ७१ हजार ८७१ मतदाता रहेकामा ४५ हजार ५७९ जनाले मतदान गरेका थिए ।

यसैबीच, निर्वाचन अधिकृतको कार्यालयद्वारा मतगणनाको नतिजा सार्वजनिक हुनासाथ काँग्रेसका उम्मेदवार पौडेलले नवनिर्वाचित भट्टराईलाई फूलको माला लगाइ बधाइ ज्ञापन गरे । मतगण्नास्थलमा नेकपाका कार्यकर्ता एवं शुभेच्छुकले खुशी साटासाट गर्दै नाराबाजी गरिरहेका छन् । सोही अवसरमा नवनिर्वाचित भट्टराईले मतदातालाई धन्यवाद दिँदै स्व रवीन्द्र अधिकारी र नेकपाप्रति मतदाताले देखाएको भरोसालाई टुट्न नदिने बचनबद्धता प्रकट गरे ।

उनले आइतवार नै पोखरामा माटोको ढिस्को पुरिएर पाँच जना कामदारको मृत्युमा भएकोमा गहिरो समवेदनासमेत प्रकट गरे । २०७५ साल फागुन १५ गते यस क्षेत्रका सांसद् एवं तत्कालीन पर्यटन तथा नागरिक उडड्यनमन्त्री रवीन्द्र अधिकारीको हेलिकोप्टर दुर्घटनामा निधन भएपछि कास्कीको क्षेत्र नं २ मा प्रतिनिधिसभा सदस्यको उपनिर्वाचन भएको हो । निर्वाचित भट्टराई दिवङ्गत अधिकारीको धर्मपत्नी हुन् । भट्टराई विद्यार्थी कालमा राजनीतिमा सक्रिय भई अनेरास्ववियुको केन्द्रीय सचिव थिए । उनी शिक्षण पेशामा आबद्ध थिइन् ।

तपाइको विचार व्यक्त गर्नुहोस्

हाम्रो सुझाव

विप्लव समूहका सुनार पक्राउ

जीतमा नेकपाको विजय र्याली

प्रमुख समाचार

पर्यटक र भक्तजन रोजाइ छाब्दीबाराही