रुपनारायण ढकाल–पोखरा, १३ मंसीर : जनहित ट्रेनिङ एण्ड ट्रेडिङ प्रालि नयाँबजारको आयोजनामा संचालित तीन महिने सिलाई कटाई तथा व्यूटिसियन तालिमका कूल ८० सहभागीलाई शुक्रबार एक समारोहका विच पोखरामा प्रमाणपत्र वितरण गरिएको छ ।
नेपाल सरकार शिक्षा, विज्ञान तथा प्रविधि मन्त्रालय व्यावसायिक शिक्षा तथा तालिम अभिवृद्धि परियोजना (इभेन्ट) दोश्रो तालिमका सहभागीलाई पोखरा महानगरपालिका वडा नम्बर ९ का वडा सदस्य गीता चर्मकारले प्रमाणपत्र वितरण गरेकी थिइन् । सो अवसरमा समाजसेवी उत्तम जोशीले पनि प्रमाणपत्र वितरण गरेका थिए ।
निशुल्क रुपमा २०७५ चैत दोश्रो साताबाट संचालित उल्लेखित तालिमहरु तीन सय ९० घण्टा अवधिका हुन् । सहभागीलाई सिलाईकटाई तर्फ करुणा रुचाल र जुनु गुरुङ तथा रुपा छन्त्याल र कुमारी गुरुङले तालिम प्रदान गरेका थिए । यसैगरी व्यूटिसियन तर्फ यामकुमारी राना र लक्ष्मी थापा तथा पूर्णकला गुरुङ र अञ्जु जलारीले तालिम प्रदान गरेका थिए ।
प्रमुख अतिथिको रुपमा आफ्नो भनाई राख्दै वडा सदस्य चर्मकारले तालिमले महिलाहरुलाई सक्षम बनाउन सघाउ पुग्ने विश्वास व्यक्त गरिन् । आगामी दिनहरुमा पनि जनहितले शीपमूलक तालिमका कार्यक्रमलाई निरन्तरता दिन सके चुलो चौकोमा मात्र सीमित महिलाहरु आत्मनिर्भरताको बाटोतर्फ अग्रसर हुन सक्ने भनाई पनि उनले सो अवसरमा राखिन् ।
कार्यक्रममा आफ्नो भनाई राख्दै प्रालिका अध्यक्ष दिलकाजी गुरुङले तालिममा सिकेका कुरा व्यवहारमा उतार्न सहभागी महिलाहरुलाई सुझाव दिए । आगामी दिनमा आफ्नो पेशामा इमान्दार भएर लाग्दै जीवनमा सफलता हासिल गर्न पनि अध्यक्ष गुरुङले सो अवसमा शुभकामना दिए ।
यसैगरी संस्थाका प्रबन्ध निर्देशक नन्दलाल अधिकारीले तालिममा सिकेको शीपलाई सदुपयोग गर्दै आयआर्जन तर्फ अग्रसर हुन सहभागीलाई आग्रह गरे । तालिममा पुरै समय सहभागी भएर सीपमूलक ज्ञान लिएकोमा सहभागीहरुलाई प्रबन्ध निर्देशक अधिकारीले धन्यवाद दिए । प्रमापत्र वितरण समारोहमा समाजसेवी जोशीले पनि आफ्नो भनाई राखेका थिए । प्रशिक्षार्थीका तर्फ कुमारी गुरुङ र लक्ष्मी सिटौलाले पनि आफ्नो अनुभव सुनाएका थिए ।
२०६५ सालमा स्थापना भई निरन्तर निशुल्क सीपमूलक तालिमहरु प्रदान गर्दै आएको जनहितले हालसम्म करिव पाँच हजार जनालाई तालिम प्रदान गरिसकेको जनहितका फिल्ड कोअर्डिनेटर घनश्याम रानाभाटले जानकारी दिए । जनहितले पाल्पाको रामपुर तथा तनहुँको केशवटार, व्यास र दुलेगौंडामा संचालित तालिमका सहभागीलाई पनि यसअघि नै प्रमाणपत्र वितरण गरिसकेको संस्थाकी फ्रन्ट डेक्स इन्चार्ज प्रमिला खत्रीले जानकारी दिइन् ।
जनहितले पंचेवाजा बजाउने तालिम, गलैंचा बुनाई, च्याउ खेति, वेटर, हाउस किपिङ, मोटरसाइकल मेकानिक, साना होटल तथा लज व्यवस्थान, डकर्मी, सिकर्मी, हाते कडाई, हाउस वायरिङ, वेमौसमी तरकारी उत्पादन, बंगुर पालन, कुखुरा र बाख्रा पालन लगायतका तालिमहरु प्रदान गर्दै आएको छ ।
Related News
सम्बन्धित समाचार
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
गण्डकी मेडिकल कलेजमा वित्तीय साक्षरता
hero news full width
मुख्य समाचार
धुँवा पुत्याउने गाडी फन्दामा
मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको चाउथेमा बिजुली पसलमा आगलागी हुँदा १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१