क्षमता भन्दा पाँच गुना वढी कैदी–बन्दी

Avatar आदर्श समाज सम्वाददाता
असाेज २७, २०७६

तनहुँ, २७ असोज । जिल्ला कारागार तनहुँमा क्षमताभन्दा पाँच गुना बढी कैदी–बन्दी हुदाँ कारागारमा व्यवस्थापनमा समस्या आएको छ ।

तनहुँ कारागारको क्षमता ३५ जना कैदीबन्दीको हो तर उक्त कारागारमा १ सय ४७ जना कैदीबन्दी छन् । तनहुँमा महिला वन्दीगृह भने छैन । कारागारका सहायक जेलर नारायणप्रसाद अधिकारीका अनुसार क्षमता भन्दा झण्डै पाँच गुना कैदीबन्दीलाई कच्ची कोठामा राख्दा व्यवस्थापनको समस्या निम्तेको छ ।

फौजदारी अभियोगमा संलग्न चोरी ,लुटपाट ,जवरजस्ती करणी,हत्या,बलात्कार ,ठगी ,जालसाझी ,किर्ते ,चेलीबेटी बेचविखन,लागूऔषध ओसारपसार ,अपहरण,बहुविबाह,घरेलु हिसांमा सम्लग्न कैदीवन्दीलाई एउटै कोठामा थुनेर राख्दा समस्या उत्पन्न भएको अधिकारीले बताए ।

कारागार ब्यबस्थापनका लागि पटक,पटक सरोकारवाला निकायामा ताकेता गर्दा पनि पक्की भवनका लागि सुनुवाइ हुन सकेको भने देखिदैन । भवन सानो छ र दिन प्रतिदिन जीर्ण भएको छ ।पानी पर्दा चुहिने र झरीपर्दा पानी चुइने स्थिति छ, अधिकारीले भने । चर्को घामलाग्दा जस्ता पाता र कोठाको छाना होचो हुँदा घामको राफले पोलेर बस्न सक्ने अवस्था छैन् कैदीबन्दी राजन पन्तले भने–सरकारले कारागारलाई सुधारगृहको रुपमा घोषणा गरे पनि सुधार हुन भने सकेको छैन् ।

सबै भन्दा समस्या विहान शौचालय जादा हुने गरेको छ,शौचालय जाँदा पालो कुर्नु पर्ने झन्झट, खाना खादा लाईनमा बस्नुपर्ने बाध्यता र ठाँउको अभावका कारण सुत्न पालो गर्नुपर्ने अवस्था रहेको कैदी बन्दीहरु वताउछन् ।

कोचिएर बस्दा कैदीबन्दीमा विभिन्न किसिमका सरुवा रोगहरुका कारण स्वास्थ्य ब्याक्ति समेत विरामी हुने गरेको छन् । समयसमयमा रगत ,सुगर ,प्रेसर र निःशुल्क स्वास्थ्य जाँच हुने गरेको भएपनि विरामीको संख्या दिनप्रतिदिन वढ्ने गरेको वन्दीहरु वताउछन् । कैदीबन्दीले तयार पारेका मुढा,बाँसका कुर्ची, टोपा ,मुरली,झोला,पेटी,पर्स जस्ता सामाग्रीले बजार नपाउँदा आयआर्जनमा समेत समस्या आएको छ ।

तपाइको विचार व्यक्त गर्नुहोस्

प्रमुख समाचार

स्कुटर दुर्घटनामा पौडलको मृत्यु