होमस्टेलाई प्राथामिकता

Avatar आदर्श समाज सम्वाददाता
भाद्र २७, २०७६

भदाै, २७ पोखरा हरेक वर्ष होम स्टेमा आफ्ना विभिन्न कार्यक्रम गर्दै आएको टुरिष्ट बुक सप एशोसिएसन पोखराको १६ औं साधारणसभा कास्की र पर्वतको सीमाना मोदी गाउँपालिका अन्तर्गतको जयगाउँमा सम्पन्न गरेको छ ।

सभामा व्यवसायीहरुले समय सापेक्ष अगाडि बढ्न नसके कुनैपनि व्यवसाय दीर्घकालिन हुन नसक्ने कुरामा जोड दिएका थिए । कार्यक्रमका अध्यक्ष प्रेम शर्मा पौडेलले प्रविधिको विकाससंगै बुक सप व्यवसाय संकटमा परेको बताए । त्यसैगरी फलेवास नगरपालिका १ का अध्यक्ष बाबुराम पौडेलले ग्रामीण पर्यटन प्रवद्र्धनका लागि होमस्टे प्रभावकारी हुँदै गएको सुनाए ।

नेपाल प्रेस युनियनका केन्द्रीय उपाध्यक्ष रमेश पौडेलले ग्रामीण पर्यटन प्रवद्र्धनका स्थानीय उत्पादन उपलब्ध हुनुपर्नेमा जोड दिए । गाउँ पर्यटन मञ्चका अध्यक्ष रवीन्द्र पौडेलले ग्रामीण पर्यटन प्रवद्र्धनका लागि पूर्वाधारको जरुरी रहेको बताए । स्थानीय युवा विष्णु पोखरेलले ग्रामीण पर्यटन प्रवद्र्धन सफल भएमा विदेश जाने युवालाई गाउँमै रोजगारी दिन सकिने भएकाले घरआवास कार्यक्रमलाई सबैको सहयोग रहेने जनाए ।

संस्थाका सदस्य दुर्गा शर्माले महिलाको सहभागिता होमस्टे प्रवद्र्धनका लागि उर्जाशील हुनेकुरा सुनाइन् । होमस्टे संचालक लक्ष्मी पोख्रेल, कृष्ण पोखरेल लगायतले सो गाउँको वर्तमान वस्तुस्थितिको वारेमा बोलेका थिए । संस्थाका सचिव भरतबहादुर पौडेल, सदस्य सावित्रा तिमिल्सिना लगायतले होमस्टेका बारेमा आफ्ना भनाइृ राखेका थिए ।

तपाइको विचार व्यक्त गर्नुहोस्

हाम्रो सुझाव

थप चार होमस्टे विच मितेरी

टाउको ठोक्याएर होमस्टेबीच मितेरी

गुरुङ पर्यटन व्यवसायी संघमा राम

पर्यटन प्रबर्द्धन गर्न होमस्टेविच मितेरी

प्रमुख समाचार

कर्मचारी तन्त्रलाई संघीयता मन परेको छैन- सभामुख अधिकारी

थप प्रमुख समाचार

ज्येष्ठ नागरिक मिलन केन्द्रको शुभारम्भ

लमजुङमा क्यान इन्फोटेक