न्यूरोडको एस मिनी मार्केटमा भीषण आगलागी

Avatar आदर्श समाज सम्वाददाता
श्रावण २८, २०७६

पोखरा, २८ साउन । पोखरा मूख्य बजार न्यूरोड स्थित एस मिनी मार्केटमा मंगलवार दिउसो आगलागी हुँदा आधा दर्जन पसल जलेर नष्ट भएका छन् ।

आगलागीमा मानवीय क्षेति भने हुन पाएको छैन । आगलागीबाट करिव पाँच करोड रुपैयाँ बराबरको क्षति भएको हुनसक्ने प्रहरीको प्रारम्भिक अनुमान छ । विद्युत लाइन सर्टभई  शुभ युनिक होम डेकोरबाट आगो सल्केको प्रहरीले जनाएको छ ।

महेन्द्रपुल निवासी अनुज बास्तोलाको जग्गा भाडामा लिएर पोखराका व्यापारी यदु अधिकारी र अर्जुन पोखरेलले जस्ता पाताले छाएर भुईतले एस मिनी मार्केट संचालनमा ल्याई विभिन्न व्यक्तिलाई भाडामा लगाउदै आएका हुन्।

दिउसो ४.१० वजे लागेको आयो नियन्त्रणमा आउन डेढ घण्टा लागेको थियो । जिल्ला प्रहरी कार्यालय कास्कीका प्रहरी नायव उपरीक्षक राजकुमार केसीले पोखरा महानगरपालिकाका चार वटा दमकल र विभिन्न पानी कम्पनीका ट्याङ्करको सहयोगमा नेपाल प्रहरी, सशस्त्र, र नेपाली सेनाले आगो नियन्त्रणमा लिएको हो ।

उक्त एस मिनी मार्केटमा फोम हाउस, चश्मा पसल, जुस हाउस, कुर्ता पसल, ध्रुब वर्कसप, रेष्टुरेण्ट लगायतका पसल जलेरनष्ट भएका छन् ।
स्थानीयवासी किशोर ओझाले आगलागी भएको आधा घण्टापछि मात्र दमकल आउँदा पसलहरुमा वढी क्षति भएको छ । मुख्य बजारमै आगजनी हुँदा वरपर रहेका पसल शिवशक्ति फर्निचर, नवदुर्गा फर्निचर, भाटभटेनी सुपर कार्केट, सिटिजन बैंक समेत त्रसित बनेका थिए । आगो सर्नसक्ने डरले छिमेकी पसल शिवशक्तिका सम्पूर्ण फर्निचरका सामाग्री सडकमा निकालेर राखिएको थियो ।

मुख्य बजारमै आगलागी हुँदा यस क्षेत्रका वासिन्दामा त्रास फैलिएको थियो । नजिकै रहेको पद्म नरसिंह होमका उपचार गरिरहेका विरामीको समेत भाडदौड मच्चिएको छ । एक वर्ष अघि पोखराको सिद्धार्थ चोक स्थित उज्यालो मार्केटमा समेत आगजनी हुदाँ करोडौ रुपैयाँको क्षति भएको थियो ।

तपाइको विचार व्यक्त गर्नुहोस्

हाम्रो सुझाव

बेपत्ता श्रीपाली मृत फेला

नेपाल शिक्षक महासंघका अध्यक्ष पैडेललाई मातृशोक

दुर्घटनामा २ घाइते

प्रमुख समाचार

दश वर्षमा मध्यम स्तरको विकसित राष्ट्र –मुख्यमन्त्री गुरुङ

थप प्रमुख समाचार