महिनाको पहिलो दिन वेगनास किनारमा आरति

Avatar आदर्श समाज सम्वाददाता
श्रावण २६, २०७६

लेखनाथ, २५ साउन । पर्यटकीय दृष्टिकोणले प्रचुर संभावना भएपनि पर्याप्त पूर्वाधारको अभावले पछाडि परेको वेगनास ताल वरपर पर्यटक आकर्षण गर्न हरेक महिनाको पहिलो दिन साँझ आरित गरिने भएको छ ।

वेगनासलाई धार्मिक पर्यटकीय क्षेत्रमा समेत अगाडि वढाउने उद्देश्यले हरेक महिनाको पहिलो दिन अर्थात एक गते साँझमा आरती गरिने भएको हो । पोखराको फेवातालमा पनि एक वर्षदेखि प्रत्येक दिन साँझ आरती गरिदै आइएको छ ।

स्थानीयको भेलाले शाकाहारी समाज पोखरा महानगरको संयोजकत्वमा आरति तदर्थ समिति घोषणा गरिने र उक्त समितिले महिनाको पहिलो दिन आरति गर्ने छ । शाकाहारी समाज पोखरा महानगर अध्यक्ष राममणि अधिकारीले वेगनास क्षेत्रको धार्मिक पर्यटन प्रवद्र्धन तथा पुर्वीय मूल्य र मान्यताको संरक्षण गर्ने उद्देश्यले ताल किनारमा आरति संचालन गर्न लागेको जानकारी दिए ।

उनले भने पोखराको फेवा किनार, विन्ध्यवासिनी, ढुंगेसांघु र गुप्तेश्वरमा गरिदै आएकोमा महाआरती अब देखि वेगनास किनारमा पनि हुनेछ।केही समय अगाडी भारतको वनारसबाट आएका हिन्दु धर्मावलम्बीहरुलाई वेगनास किनारमा महाआरति गर्ने व्यबस्था मिलाएको वेगनास युवा क्लबले अब निरंतरताको लागि सम्पुर्ण सहयोग गर्ने क्लबका अध्यक्ष राम रानाभाटले जानकारी दिएका छन् ।

त्यस्तै पोखरा –३२ का वडाध्यक्ष अक्कलबहादुर कार्कीले धार्मिक पर्यटन प्रवद्र्धन गर्न आफू र वडाले सक्दो सहयोग गर्ने प्रतिवद्धता व्यक्त गरेका छन् । पूर्वीय मूल्य मान्यता र यस क्षेत्रको धार्मिक विकासमा सहयोग पुग्ने महाआरतीलाई पोखरा महानगर र वडाबाट आफुले सहयोग वडा नं ३१ का बडाध्यक्ष कमलबहादुर थापाले बताएका हुन्। केही दिनमा समिति गठन गर्ने र लगत्तै भदौ १ गते देखि आरती शुरु हुने शाकाहारी समाजका कृष्ण प्रसाद ढुङ्गानाले जानकारी दिए।

तपाइको विचार व्यक्त गर्नुहोस्

हाम्रो सुझाव

पोलेको माछाको स्वाद लिने नयाँ गन्तब्य बन्दै माझीकुना

चिमखोलावासीले बनाए नमूना पदमार्ग

प्रमुख समाचार

लेकसाइडमा पूरै अप्रेसन गर्न आईजी खनालको निर्देशन

थप प्रमुख समाचार

भतिजीलाई वलत्कार गर्ने पक्राउ

बसको ठक्करबाट साइकल यात्रीको मृत्यु

खुत्रुकेको पैसा आश्रममा

बिश्व फोटोग्राफी दिवस प्रभातफेरी