पोखरा, १८ साउन, पोखराको नदीपूरमा अवस्थित प्रतिभा माध्यमिक विद्यालयमा शुक्रवार नेपाली हिज्जे प्रतियोगिता सम्पन्न भएको छ ।

अतिरिक्त क्रियाकलाप अन्तरगत सञ्चालन अन्तर सदनात्मक नेपाली हिज्जे प्रतियोगितामा जुनियर र सिनियरका कक्षा ३ देखि कक्षा ८ सम्मका विद्यार्थीहरु प्रतियोगीमा भाग लिएका थिए । उक्त हिज्जे प्रतियोगितामा विद्यालयका सह–प्राचर्य प्रदीप खनालले नेपाली शब्द चयन गरी कार्यक्रमको उद्घाटन गरेका थिए ।

कार्यक्रममा जुनियर तर्फ पहेंलो सदन र हरियो सदन क्रमशः प्रथम र द्वितीय भएका थिए भने सिनियस तर्फ हरियो सदन र पहेंलो सदन क्रमशः प्रथम र द्वितीय भएका थिए ।
अतिरिक्त क्रियाकलाप प्रमुख प्रकाश अधिकारीको संयोजकत्वमा सञ्चालन भएको उक्त कार्यक्रमको निर्णायको भूमिका नेपाली विभाग प्रमुख शिक्षक विष्णुप्रसाद पौडेल, अमृता गुरुङ र अमृता के.सी. गरेका थिए ।