कामना सेवा विकास बैंक लिमिटेडले पोखरा १९ स्थित पुरुञ्चौरको चितेपानीमा आफ्नो ९७ औं शाखाको विस्तार गरी वित्तीय कारोबार शुरु गरेको छ।

उक्त शाखाको उद्योग, पर्यटन, वन तथा वातावरण मन्त्री विकास लम्सालले उद्घाटन गरे। सो अवसरमा मन्त्री लम्सालले अर्थतन्त्रलाई क्रियाशील बनाउन बैंकिङ क्षेत्रको अहम् भूमिका हुने बताउँदै स्थानीयस्तरमा उपलव्ध साधन र श्रोत परिचालन गरी कृषि, पर्यटन जस्ता उत्पादनशील क्षेत्रमा लगानीलाई प्रोत्साहित गर्न अनुरोध गरे। बैंकका स.महाप्रबन्धक एवं गण्डकी प्रदेश प्रमुख टुवराज बास्तोलाले बैंकको समग्र वित्तीय अवस्था र पछिल्ला आर्थिक गतिविधिबारे जानकारी दिएका थिए।

कार्यक्रममा राष्ट्रिय उद्योगपति एवं बैंकका संस्थापक गणेशबहादुर श्रेष्ठले पहिले पहिले ऋण माग आवश्यकता परी ऋण स्वीकृत गराउन राजधानी धाउनुपर्ने अवस्था र बाध्यताको चर्चा गर्दै अहिले अवस्था फरक भएको बताए।

बैंक संचालक देवकृष्ण काफ्लेको अध्यक्षतामा भएको सो कार्यक्रममा बैंक संचालक चतुराखर अधिकारीले स्वागत मन्तव्य व्यक्त गर्दै उक्त बैंकबाट भरपूर फाइदा लिन स्थानीयलाई आग्रह गरे। पुरुञ्चौर शाखा प्रबन्धक कृष्ण सिग्देलले कार्यक्रम संचालन गरेका थिए।