नौमती बाजा प्रतियोगिता वलेवा समूह प्रथम

Avatar आदर्श समाज सम्वाददाता
चैत्र २९, २०७५

बागलुङ, २९ चैत । लोक बाजाको रूपमा प्रचलित नौमती बाजा लोपहुदैँ जान थालेपछि संरक्षण गर्न बागलुङमा त्यस्तो बाजा प्रतियोगिता गरिएको छ ।

बागलुङ बजारमा चैत्राष्टमीको अबसर पारेर कालिका भगवती गुठी ब्यबस्थापन समितिद्वारा आयोजित नौमती बाजा प्रतियोगितामा नौ समूहले सहभागिता जनाएकोमा वलेवा बसबसे नौमती बाजा समूह प्रथम भएको छ । त्यस्तै प्रतियोगितामा छरिखोला नौमती बाजा समूह, द्वितीय लामिचौर नौमती बाजा समूह र तृतीय र बागलुङ–काठमाण्डौ नौमती बाजा समूहले सान्त्वना स्थान प्राप्त गरेको छ ।

प्रतियोगितामा प्रथम हुनेलाई ५१ हजार, द्वितीय हुनेलाई ३१ हजार, तृतीय हुनेलाई १९ हजार, सानत्वना हुने समूहलाई नौ हजार रुपैयाँ पुरस्कार प्रदान गरिएको थियो । नौमती बाजा मानिसका बिवाह, ब्रतबन्धदेखि नेपालीहरूको हरेक शुभकार्यमा बजाइने गरिन्छ ।

विशेष गरेर परियार जातीले परापुर्व कालदेखि बजाउँदै आएको नौमती बाजा बजाउने युवा जनशक्ति रोजगारीको लागि बिदेशीन थालेपछि नेपाली मौलिक लोक संस्कृतिको रुपमा परिचित बाजा लोप हुदै जान थालेको कालिका भगवती गुठी ब्यबस्थापन समितिले जानकारी दिएको छ । यस्ता प्रतियोगिताले केही मात्रामा नौमती बाजा समूहलाई केही मात्रामा भएपनि हौसला थप्ने नेपाल परियार संघका अध्यक्ष सुजन परियारले बताए ।

तपाइको विचार व्यक्त गर्नुहोस्

हाम्रो सुझाव

ज्येष्ठ नागरिक मिलन केन्द्रको शुभारम्भ

वडा नम्वर १८ र २४ मा मेलमिलाप केन्द्र स्थापना

नेवाः मिसाका पदाधिकारीलाई सम्मान

मृर्गाैला पीडित मीनालाई सहयोग

प्रमुख समाचार

कर्मचारी तन्त्रलाई संघीयता मन परेको छैन- सभामुख अधिकारी

थप प्रमुख समाचार

ज्येष्ठ नागरिक मिलन केन्द्रको शुभारम्भ

लमजुङमा क्यान इन्फोटेक