पोखरा, २५ चैत । पोखरा–२५ को हेम्जा तुल्सीघाटमा सोमवार बिहान जीप दुर्घटना हुँदा तीन जना घाइते भएका छन् ।
कास्कीको माछापुच्छे् गाउँपालिकाको घाचोकबाट दूध बोकेर पोखरा बजार आउदै गरेको ग.१ज. ५१५८ नं को जीप अनियन्त्रितभई सडकबाट ५० मीटर तल खसेर दुर्घटनाग्रस्त भएको हो ।

दुर्घटनामा परेका तीनै जनालाई उपचारका लागि फिस्टेल अस्पताल पोखरा लगिएको िजल्ला प्रहरी कार्यालय कास्कीका प्रवक्ता  रवीन्द्रबहादुर गुरुङले जानकारी दिए ।

त्यसैगरी स्याङ्जा जिल्ला पुतलीबजार नगरपालिका–१४ सतौको भित्री सडकमा ग.१ख.४५२३ नं को बस अनियन्त्रितभई दुर्घटनाग्रस्त हुँदा बसमा सवार चालकसहित सात जना मध्ये दुई जना घाइते भएका छन् । दुर्घटनामा परी घाइते हुनेमा पुतलीबजार नगरपालिका–१४ निवासी ८४ बर्षीया धनमाया गुरुङ र सोही स्थान निवासी ५० बर्षीया जमुना गुरुङ घाइते भएका छन् । घाइते दुबैलाइृ उपचारका लागि पोखरा स्थित मणिपाल शिक्षण अस्पताल ल्याइएको जानकारी ४ नं प्रदेश प्रहरी कार्यालय पोखराले दिएको छ । बसका चालक प्रहरी नियन्त्रणमा छन् ।