फेवा महोत्सवको निम्ता बाँड्दै जाउँ है पोखरा अभियान

Avatar आदर्श समाज सम्वाददाता
चैत्र २०, २०७५
Bhairahawa 2

पोखरा, २० चैत । पश्चिमाञ्चल होटल संघ पोखराले १७ बर्ष अघि सुरु गरेको जाउँ है पोखरा अभियान यसपटक नेपालका प्रमुख ४ शहरका व्यवसायीसँग छलफलसँगै फेवा नव बर्ष महोत्सव २०७६ को निम्ता बाँड्दै मंगलबार सम्पन्न भएको छ ।

काठमाडौं, जनकपुर, चितवन र भैरहवामा त्यस्ता कार्यक्रम आयोजना गरिएको थियो । होटल संघ नेपाल र गण्डकी प्रदेशले सघाएको अभियानलाई नेपाल पर्यटन बोर्डले प्रबद्र्धन गरेको थियो । काठमाडौंमा सम्पन्न कार्यक्रममा जाउँ है पोखरा अभियानले नेपालीमा घुम्ने बानीको विकास गरेको विषयमा चर्चा गरिएको थियो । यसैगरी सिता जन्मस्थल जनकपुरमा आयोजित कार्यक्रममा स्थानीय व्यवसायीले उक्त शहरबाट पोखरासम्म सिधा बस सेवा संचालन गर्न सके पर्यटकलाई सहज हुने भनाई राखेका थिए ।

चितवनमा आयोजित कार्यक्रममा सो क्षेत्रको सफारी पर्यटनलाई पोखराको प्राकृतिक सुन्दरता र लुम्बिनीको धार्मिकतासँग जोड्न सिल्भर ट्रयाङ्गलको प्रस्ताव अगाडि सारिएको थियो । काठमाडौंमा आयोजित कार्यक्रममा फेवा नव बर्ष महोत्सवका प्याकेजहरु– घुमघाम, मधुमास र शैक्षिक भ्रमण सार्वजनिक गरिएको थियो ।

अभियानका क्रममा नेपाल पर्यटन बोर्डका सदस्य एवं संघका सल्लाहकार विप्लव पौडेलले द्वन्द्वको कठिन अवस्थामा जाउँ है पोखरा अभियान सुरु गरिएको भन्दै यसले नेपाल भरि नै सकारात्मक प्रभाव पारेको भनाई राखेका थिए । यसैगरी भारतीय बजारका लागि चलिए पोखरा र तेश्रो मुलुकहरुमा समेत संघले प्रबद्र्धनका कार्यक्रम संचालन गरेको उनले सुनाए । आगामी दिनमा बंगलादेशमा समेत प्रबद्र्धनका कार्यक्रम गरिने जानकारी उनले दिए । बोर्डका पूर्व सदस्य एवं संघका सल्लाहकार विश्वशंकर पालिखेले राज्यले नसोचेको समयमा आफुहरुले जाउँ है पोखरा अभियान सुरुवात गरेको भन्दै सो अभियान अहिले नेपाली पर्यटन क्षेत्रमा नमुना कार्यक्रम बन्न पुगेको भनाई राखे ।

पश्चिमाञ्चल होटल संघ पोखराका अध्यक्ष विकल तुलाचनले जाउँ है पोखरा जस्तो अभियानकै कारण पोखरामा अहिले आउने पर्यटक मध्ये ६० प्रतिशत हिस्सा आन्तरिक पर्यटकको रहन पुगेको जानकारी दिए । आन्तरिक पर्यटन प्रबद्र्धनकै लागि संघले संस्कृति, खाना र संगीतलाई जोड दिंदै यही चैत २९ गतेदेखि आगामी बैशाख १ गते सम्म फेवा किनारको कोमागाने पार्कमा १६ औं फेवा नव बर्ष महोत्सव २०७६ आयोजना गर्न लागेको जानकारी उनले दिए ।

नेपाल पर्यटन बोर्ड गण्डकी प्रदेशका प्रमुख मणि लामिछानेले जाउँ है पोखरा जस्ता कार्यक्रम नेपालका अन्य शहरले पनि सुरुवात गर्न सके राम्रो हुने भन्दै पर्यटन प्रबद्र्धनका लागि बोर्डले पछिल्लोपटक एक सय नयाँ पर्यटकीय गन्तव्य छानेर प्रबद्र्धनको काम अगाडि बढाइरहेको स्मरण गराए । संघका निवर्तमान अध्यक्ष भरतराज पराजुलीले पर्यटकीय नगरी पोखरालाई आफूहरुले उत्सव र महोत्सवको शहरको रुपमा विकास गर्न चाहिरहेको भन्दै विनासकारी भुकम्पपछि पोखराको पर्यटनलाई आन्तरिक पर्यटकले नै जिवित राखेको भनाई राखे । नेपालीमा घुम्ने बानीको विकास गर्ने उद्धेश्य जाउँ है पोखरा अभियानले लिएको उनले सुनाए ।

गण्डकी प्रदेशले मनाईरहेको जारी आन्तरिक पर्यटन बर्ष २०१९ र फेवा महोत्सवको अवसरमा नियमित मेन्यूमा १५ प्रतिशत छुट प्रदान गरिएको जानकारी पनि संघले दिएको छ । महोत्सवमा एक लाख पर्यटक र सो भ्रमण बर्षका क्रममा १५ लाख पर्यटक भित्र्याउने लक्ष्य पनि सो अवसरमा सुनाइएको थियो । एक खर्ब बढी लगानी रहेको गण्डकी प्रदेशको होटल क्षेत्रमा ३० हजार बेड क्षमता रहेको पनि संघले जनाएको छ ।

जाउँ है पोखरा अभियानको अन्तिम दिन भैरहवामा आयोजित कार्यक्रममा सिद्धार्थनगर होटल संघका अध्यक्ष चन्द्रप्रकाश श्रेष्ठ, नाट्टा प्रदेश पाँचका अध्यक्ष विष्णु शर्मा, व्यवसायी विरेन्द्रकुमार अग्रहरी, नेपाल भारत मैत्री संघका अध्यक्ष श्रीचन्द गुप्ता लगायतले भनाई राखेको पश्चिमाञ्चल होटल संघ पोखराका महासचिव गणेशराज पहारीले जानकारी दिए ।

Related News

सम्बन्धित समाचार

    • पर्यटक आगमनमा झिनो सुधार   

      Avatar आदर्श समाज सम्वाददाता फागुन १८, २०७७
      काठमाडौँ । सन् २०२१ को फेब्रुअरीमा विदेशी पर्यटकको आगमनमा झिनो सुधार भएको छ । पछिल्लो पर्यटक आगमन दर हेर्दा कोभिड–१९…
    • पर्यटक डाक्न आतुर छ म्याग्दीकाे मालिका धुरी

      sadhanramjali साधन राम्जाली फागुन १५, २०७७
      बेनी  । म्याग्दीको प्रमुख पर्यटकीय र धार्मिक गन्तव्यस्थलमध्ये एक हो, मालिका धुरी । घनाजंगलबीच पहाडको टुप्पोमा रहेको मालिकाबाट धौलागिरि, नीलगिरि, अन्नपूर्ण,…
    • जनप्रियमा ट्रेकिङ गाइड तालिम

      Avatar आदर्श समाज सम्वाददाता फागुन ११, २०७७
      पोखरा । जनप्रिय बहुमुखी क्याम्पस र नेपाल पर्वतीय प्रशिक्षण प्रतिष्ठानको संयुक्त आयोजना एवं माछापुच्छ्रे मोडेल ट्रेकको व्यवस्थापनमा स्नातकतह पर्वतीय पर्यटन…
    • पर्यटन व्यवसायीको गुनासो सुन्न सरकारलाई आग्रह

      Avatar आदर्श समाज सम्वाददाता फागुन ११, २०७७
      पोखरा । पर्यटन व्यवसायीले साहसिक पदयात्रा पर्यटनको क्षेत्रका समस्यालाई सम्बोधन गरेर निकास दिन सरकार समक्ष आग्रह गरेका छन् । ट्रेकिङ…
    • बालुवा डाँडाबाट उड्यो प्याराग्लाइडिङ

      ramkumarshrestha रामकुमार श्रेष्ठ फागुन ७, २०७७
      नयाँ नयाँ पर्यटकीय गन्तव्य पहिचान गर्ने उद्देश्य साथ कावासोती नगरपालिकाको सहयोगमा बिहीबार कावासोतीमा प्याराग्लाइडिङको सफल परीक्षण भएको छ । नवलपुरको…

    hero news full width

    sanil ads

    wordlink ads