पोखरा कप आजदेखि

adarsha samaj आदर्श समाज संवाददाता
माघ १५, २०७५
pokhara-cup-wide

पोखरा, १४ माघ  । कास्की जिल्ला फुटबल संघको आयोजनामा पोखरा रंगशालामा सोमबारदेखि मनकामना केवलकार पोखरा कप–२०७५ हुँदैछ । उद्घाटनमा एपीएफ र हिमालयन शेर्पाबीच प्रतिष्पर्धा हुँदैछ ।

१२ टिमको सहभागिता हुने प्रतियोगितामा नेपालका उत्कृष्ट ९ क्लब मनाङ मस्र्याङ्दी, संकटा, थ्रिस्टार, नेपाल आर्मी, नेपाल पुलिस, एपीएफ, हिमालयन शेर्पा, च्यासल, ब्रिगेड ब्वाइज तथा जापानको रिस्सो युनिभर्सिटी र क्यामरुनको डफिन्स टिम फेमेलीको सहभागिता रहने संघ अध्यक्ष मिलन गुरुङले जानकारी दिए ।

माघ २६ सम्म हुने प्रतियोगितामा यसपालि पुरस्कार राशिमा समेत वृद्धि गरिएको छ । जसअनुसार विजेताले ७ लाख ५५ हजार र उपविजेताले ४ लाख ५ हजार रुपैयाँ पाउने छन्। उत्कृष्ट खेलाडीलाई मोटरसाइकल र फुटबल खेलमा योगदान दिने एक जना खेलाडीलाई सम्मानस्वरुप स्कूटर प्रदान गरिनेछ । यस्तै एक जना पत्रकारलाई समेत सम्मानित गरिने छ । प्रतियोगितामा ५ विधाका उत्कृष्ट खेलाडीलाई जनही २५ हजार सहित ट्रफी प्रदान गरिनेछ ।

पाँचौ संस्करणसम्म निरन्तर आयोजित सो प्रतियोगिताले २ वर्षपछि पुनः निरन्तरता पाएको छ ।

Related News

सम्बन्धित समाचार

    hero news full width

    sanil ads

    wordlink ads