क्षत्री समाजको राष्ट्रिय महाधिवेशन पोखरामा हुने

आदर्श समाज सम्वाददाता
माघ १, २०७५

पोखरा, ३० पुस।  क्षत्री समाज नेपालको केन्द्रीय महाधिवेशन चैत २३ र २४ गते पोखरामा हुने भएको छ । दमौलीमा सम्पन्न केन्द्रीय विस्तारित बैठकले सो निर्णय गरेको हो।

राष्ट्रिय अखण्डता र जातीय सद्भावका लागि क्षत्री एकता सहित जातीय जनसंख्याका आधारमा पूर्ण समानुपातिक व्यवस्था कार्यान्वयन गराउन समाजको नेतृत्व चयन गर्न महाधिवेशन निर्णायक रहने केन्द्रीय सचिव कृष्ण थापाले बताए।

महाधिवेशनलाई बृहत् सहभागितासहित समाजले लिएको माग र मुद्दालाई संस्थागत गराउन निर्णायक रुपमा अगाडि बढाइने उनले बताए । समाजको ६२ जिल्लामा कार्यसमिति र भातृ समाजको सक्रियता रहेको जनाइएको छ ।

बैठकले महासचिव रोमबहादुर कार्की, कोषाध्यक्ष रिबबहादुर थापाद्वारा प्रस्तुत सांगठानिक तथा आर्थिक प्रतिवेदनलाई पारित गरेको छ।

समाजले फागुन मसान्तभित्र सम्पूर्ण जिल्ला कार्यसमिति, भातृ समाजहरुबाट महाधिवेशन प्रतिनिधि चयन गरिने, सोको व्यवस्थापन सचिवालय मार्फत कार्यान्वयन गरिने भएको छ।

बैठकमा पूर्व केन्द्रीय अध्यक्ष प्राडा दिलबहादुर क्षत्रीले क्षत्रीहरुको माग मुद्दा सम्बोधनका लागि तथा राष्ट्रिय अखण्डताका लागि समाज सशक्त रुपमा अगाडि बढ्नुपर्ने बताए।

समाजका केन्द्रीय अध्यक्ष प्राडा चन्द्रबहादुर थापाले जातीय आरक्षणविरुद्ध राष्ट्रिय एकताका प्रतीक बडामहाराज पृथ्वीनारायण शाहको जन्मजयन्ती पुस २७ लाई राष्ट्रिय पर्वको रुपमा स्थापना गराई क्षेत्री दिवस घटस्थापनालाई पर्वको रुपमा सार्वजनिक बिदासहित राष्ट्रिय सद्भावका लागि समाज सदैव लाग्नुपर्ने बताए।

बैठकमा जिल्लागत रुपमा कार्यप्रगति सहित सुझाव पेश गरिएको थियो।

केन्द्रीय उपाध्यक्ष योगेन्द्रबहादुर कार्की, तनहुँका अध्यक्ष क्याप्टेन भरतबहादुर अधिकारीले केन्द्रले सम्पूर्ण जिल्लालाई कार्यक्रम सहित सहभागिता बढाउनुपर्ने बताए।

बैठकले फागुन मसान्तभित्र बाँकी रहेका सम्पूर्ण जिल्ला मातहतका समाज, भातृ समाजको अधिवेशन गराउने निर्णय गरिएको सचिव शंकरबहादुर केसीले बताए।

Related News

सम्बन्धित समाचार

  • मतदानमा सहभागी हुन मुख्यमन्त्रीको आग्रह

    आदर्श समाज सम्वाददाता मंसिर ३, २०७९
    पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले निर्वाचन आचारसंहिताको पूर्ण पालना गर्दै स्वतन्त्ररुपमा योग्य उम्मेदवारको छनौटका लागि मतदानमा संलग्न…
  • डेढ घण्टा हिँडेर विद्यालय

    रासस मंसिर ३, २०७९
    पाल्पा । निस्दी गाउँपालिका–४ भिरपानीका राजकुमार परियार गौरीशंकर मावि मित्यालमा कक्षा १० मा अध्ययन गर्नुहुन्छ । उहाँ गाउँदेखि करिब डेढ…
  • निर्वाचन तयारी : बार लगाउने, तारले छेक्ने

    धनबहादुर गुरुङ मंसिर ३, २०७९
    पोखरा । मंसिर ४ मा हुने प्रतिनिधि तथा प्रदेश सभा निर्वाचनका लागि कास्कीका मतदानस्थलमा आवश्यक तयारी तीव्र पारिएको छ ।…
  • नमुना मतदान केन्द्र सम्हाल्दै महिला कर्मचारी

    आदर्श समाज सम्वाददाता मंसिर २, २०७९
    पोखरा । आगामी मंसिर ४ मा हुने प्रतिनिधिसभा र प्रदेशसभा सदस्य निर्वाचनमा कास्कीका ३ वटा मतदान केन्द्रको नेतृत्व महिला कर्मचारीले…
  • मौन अवधिमा प्रचार गरे रु २५ हजार जरिवाना

    रासस मंसिर २, २०७९
    काठमाडौं । यही मङ्सिर ४ गते हुने प्रतिनिधिसभा र प्रदेशसभा सदस्य निर्वाचनका लागि आज मध्यरातदेखि मौन अवधि सुरु हुँदैछ ।…

hero news full width

Recent Posts

भर्खरै

trending post

ट्रेन्डिङ्ग