दीपशिखा पुस्तकालयलाई सहयोग

Avatar आदर्श समाज सम्वाददाता
मंसिर १७, २०७५

लेखनाथ, १६ मंसिर ।पोखरा महानगरपालिका वडा नं २९ को भण्डारढीकमा रहेको दीपशिखा सामुदायिक पुस्तकालयलाई सोही वडा निवासी बयोबृद्ध भोजराज भण्डारीले आर्थिक सहयोग गरेका छन् ।

पुस्तकालयको ११ औं बाषिर्क साधारणसभा तथा छैटौं अधिवेशनको अवसर पारेर भण्डारीले पुस्तकालयको पाठ्य सामाग्रीमा सहयोग पुर्‍याउने उद्देश्यले पचास हजार रुपैयाँ नगद आर्थिक सहयोग गरेका हुन् ।

कार्यक्रमका प्रमुख अतिथि पोखरा महानगरपालिकाका प्रमुख मानवहादुर जिसीलाई भण्डारीले उक्त रकम हस्तान्तरण गरेका हुन् ।

कार्यक्रममा बोल्दै प्रमुख जिसीले पुस्तकालयलाई समय सुहाउँदो र बदलिदो समयको मागअनुसार इ-लाइवे्ररीको रुपमा विकास गराउँदै तालिम सेन्टरको रुपमा विकास गराउँदै सूचनाको केन्द्र बनाउनुपर्नेमा जोड दिए ।

कार्यक्रममा सहयोगदाता भोजराज भण्डारी, सस्थापनक सचिव देवमणि भण्डारी, वडा नं ३२ का वडाअध्यक्ष अकंलबहादुर कार्की, जनप्रकाश बहुमुखी क्याम्पसका क्याम्पस प्रमुख ऋषिराम बुढाथोकी, पूर्वअध्यक्ष इश्वरबहादुर हमाललगायतले आफना धारणा राखेका थिए ।

पुस्तकालयका अध्यक्ष कृष्णहरि भण्डारीको अध्यक्षतामा भएको कार्यक्रममा उपाध्यक्ष होमनाथ पौडेलले स्वागत र सचिव सोमतबहादुर श्रेष्ठले संचालन गरेका थिए ।

पुस्तकालयको अधिवेशनबाट आगामी कार्यकालका लागि पुनः कृष्णहरि भण्डारीको अध्यक्षतामा नयाँ कार्यसमिति चयन गरेको छ । जसको उपाध्यक्षमा जंगवहादुर गुरुङ, सचिवमा पदमप्रसाद पौडेल, सह-सचिवमा शंकरप्रसाद पौडेल, कोषाध्यक्षमा ऋषिराम भण्डारी र सदस्यहरुमा विश्वराज पौडेल, शान्ति पौडेल, दिपकमणि भण्डारी, चन्द्रबहादुर गुरुङ र शिवकुमारी भण्डारी छन् ।

तपाइको विचार व्यक्त गर्नुहोस्

हाम्रो सुझाव

सेवाग्राहीलाई सजिलो सहायता कक्ष

शिशु निकेतनमा उत्प्रेरणा तालिम

दलित मानसिकता तोड

प्रमुख समाचार

अवैध हातहतियार सहित २४२ पक्राउ