पोखरा । कर्णाली प्रदेशको मुख्यमन्त्रीमा एमाले संसदीय दलका नेता यामलाल कँडेल नियुक्त भएका छन् । प्रदेश प्रमुख तिलक परियारले मंगलबार कँडेललाई नेपालको संविधान १६८(२) बमोजिम नयाँ मुख्यमन्त्री नियुक्त गरेका हुन् ।
त्यसअघि कँडेलले एमाले, माओवादी र नेकपा (एकीकृत समाजवादी) गरी कुल २३ सांसदको हस्ताक्षरसहित प्रदेश प्रमुख परियारसमक्षक मुख्यमन्त्रीका लागि दाबी प्रस्तुत गरेका थिए ।
कँडेलको पक्षमा एमालेका ९, माओवादीका १३ र नेकपा एसका १ जना सांसदले समर्थन जनाएका छन् ।
गत बुधबार मुख्यमन्त्री राजकुमार शर्माले नेपालको संविधान १६९(१) बमोजिम राजीनामा दिएपछि प्रदेश प्रमुख तिलक परियारले ७ दिनको समय दिएर नयाँ सरकार गठन गर्न आह्वान गरेका थिए । उनले २७ चैत साँझ साढे ५ बजेभित्र कर्णाली प्रदेशको मुख्यमन्त्री पदको दाबी गर्न आह्वान गरिएको हो ।
४० सदस्यीय प्रदेश सभामा सरकार बनाउन बहुमत संख्या २१ चाहिन्छ । जसमा गठबन्धनको पक्षमा २४ जना (सभामुखसहित) सांसद छन् ।
कर्णालीमा सत्ता गठबन्धनमा मन्त्रालय भागवण्डाको विषय भने पेचिलो बन्दै गइरहेको छ । यसअघि यहाँ नेकपा माओवादीका राजकुमार शर्मा मुख्यमन्त्री थिए । तर केन्द्रको सत्तागठबन्धन फेरिएसँगै कर्णाली एमालेको भागमा प¥यो र उनले राजीनामा दिएसँगै कँडेल मुख्यमन्त्री बन्ने बाटो खुल्यो । कँडेल प्रदेशसभा निर्वाचनमा सुर्खेत निर्वाचन क्षेत्र–२ (क)बाट निर्वाचित भएका थिए ।
प्रदेश सरकारको दोस्रो कार्यकालमा एमाले सरकारमा सहभागी भएको यो दोस्रो पटक हो । गत वर्ष १० पुसमा माओवादी–एमालेबीच बनेको गठबन्धन भत्किएपछि २६ चैतमा सरकारबाट बाहिरिएको एमाले त्यसको ठीक १ वर्षपछि नेतृत्वसहित सरकारमा गएको छ ।
Related News
सम्बन्धित समाचार
ज्येष्ठ नागरिकमैत्री विविध सांस्कृतिक तथा भजन प्रतियोगिता तयारी पूरा
मुख्यमन्त्री अधिकारीविरुद्धको रिट खारेज
कक्षा १२ को प्रश्नपत्र आउट गर्ने २ जना पक्राउ
गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
hero news full width
मुख्य समाचार
गण्डकीका ४ सय ६७ स्थानमा डढेलो
बझाङ प्रदेशसभा–१ मा एमालेका भण्डारी विजयी
वैशाख १७, २०८१अधिकारी सरकारको वैधताको टुंगो आज !
वैशाख १७, २०८१पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१क्षत्री समाज नेपालमा पोखराका रिव, महासचिवमा कृष्ण
वैशाख १६, २०८१