पोखरा । नेत्रज्योति दिवसका अवसरमा जिल्ला कारागार कास्कीका कैदीबन्दीको निशुल्क आँखा परीक्षण गरिएको छ । ४६ आंै नेत्रज्योति दिवसको अवसरमा नेपाल नेत्रज्योति संघ कास्की हिमालय आँखा अस्पतालको आयोजना तथा जिल्ला कारागार कार्यालय कास्कीको समन्वयमा शिविर गरिएको हो । उक्त शिविरमा १ सय ८८ जना कैदी, बन्दी र थुनुवा लाभान्वित भएको हिमालय आँखा अस्पतालका मेडिकल डाइरेक्टर प्राडा इलिया श्रेष्ठले बताइन् ।
आँखा जाँच गर्नेमा ३० जना महिला र १ सय ५८ जना पुरुष थिए । जसमध्ये ८ जनालाई दृष्टि दोष र ३ जनालाई मोतियाविन्दु देखिएको नेपाल नेत्रज्योति संघ कास्कीका अध्यक्ष सुरेन्द्र थापामगरले जानकारी दिए । आवश्यक परेकाहरुलाई निशुल्क औषधी र चस्मा वितरण गरिएको छ ।
मोतियाविन्दु देखा परेका ३ जनालाई निशुल्क शल्यक्रियाका लागि अस्पतालमै बोलाइएको अध्यक्ष थापामगरले बताए । ‘कसैको पहुँच नभएका कारण स्वास्थ्य बन्चित नहोस्’ भन्ने उद्देश्यले शिविरको आयोजना गरिएको उनको भनाइ थियो । अस्पतालका मेडिकल डाइरेक्टर प्राडा इलिया श्रेष्ठको नेतृत्वमा कारागारमा शिविर गरिएको हो । अस्पतालले वार्षिक रुपमा कारागारमा आयोजना गरिएको निशुल्क स्वास्थ्य शिविरले धेरै कैदीबन्दी र थुनुवाहरु लाभान्भित भएको उनले बताए ।
शिविर हुनु अघि बाताबरण सरसफाई उपसमितिका संयोजक देवी सुवेदीको नेतृत्वमा पोखरा १७ घारीपाटनस्थित अस्पताल परिसरमा सरसफाई गरिएको थियो । कार्यक्रममा नेपाल नेत्रज्योति संघ गण्डकी प्रदेश अध्यक्ष प्राडा दीलबहादुर क्षेत्रीले वातावरणलाई स्वच्छ र सफा राख्नुपर्नेमा जोड दिए ।
Related News
सम्बन्धित समाचार
त्रासैत्रासमा तंग्रिदै कागबेनी
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
मानवअधिकार आयोगसमक्ष द्वन्द्वपीडित समुदायको ज्ञापन
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
मनिपालमा अत्याधुनिक एमआरआई मेसिन
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१