पोखरा । साहित्यकार दीपक समीपको लघुकथासंग्र्रह ‘नदीको राजमार्ग’ को लोकार्पण कार्यक्रम सम्पन्न भएको छ । शनिबार काठमाडौंको सर्वनाम थियटरमा आयोजित एक विशेष कार्यक्रममा उक्त कृतिको लोकार्पण भयो । नेपाल प्रज्ञा प्रतिष्ठानका कुलपति भूपाल राईले उक्त कृति लोकार्पण गरे । कृति लोकार्पण गर्दै साहित्यकारहरू सरकार र संविधानभित्रका कमजोरीमाथि प्रहार गर्ने सामथ्र्य राख्ने बताए । प्रतिष्ठानले भाषा वाङ्मयका हरेक आयाममा काम गर्दै आएको बताए । मान्छेको जीवन आफैंमा कथैकथाको कथा भएको र मानव जातिको विविधतासँगै कथाको विविधता प्रकट हुने बताए । राज्यको उत्पत्तिपछि भाषा राज्यको र जनताको गरी दिई भागमा बाँडिएको बताए । वर्तमानमा कविता, निबन्ध र आख्यानभित्रका कथामा राज्यका कथा अटाएको र जनताका कथा हराएकामा दुःख व्यक्त गरे । त्यसैले अब लेखिन बाँकी कथाहरू लेख्नतिर कथाकारहरू लाग्नुपर्नेमा जोड दिए । कार्यक्रमहरू पाठककेन्द्रित बनाइनुपर्ने र एआईसँग जुध्नुपर्ने वर्तमान यथार्थतिर अब सचेततापूर्वक लाग्नुपर्ने आवश्यकता ओैंल्याए।
ज्ञानु अधिकारीले थोरै शब्दमा सरल भाषाको मौलिक स्वाद पस्केर कथाकारले आख्यान लेखनमा दह्रो उपस्थिति जनाएको बताइन् । लघुकथा लेखनको मानक सिद्धान्तलाई चुनौती दिएर लेखकले आफ्नो अराजक लेखक व्यक्तित्व स्पष्ट रूपमा प्रमाणित गरेका छन् । उनले भनिन् ‘शब्दको जादू लेखकले यसरी चलाएका छन् कि एक एक लघुकथाले तंरगित बनाउन सक्षम छन् ।’ कथामा मानव मनोविज्ञान बडो नाटकीय र प्रभावकारी तबरले प्रस्तुत गरिएको छ । यसका कथामा शब्दको मीतव्ययितामा कथाकारले निकै ध्यान दिएको बताइन् ।
त्यस्तै अर्का समीक्षक डा. ईश्वरमणि अधिकारीले सामाजिक बेथिति, अराजकता आदिको सजीव चित्रण गरिएको बताए । कथा सकिएपछि पनि कथाको प्रभाव छाडिरहन सक्ने क्षमता कथाकारको रहेको अधिकारीले बताए । वर्तमान युगका राजनीतिक घटनाक्रम र त्यसभित्रका कुरूप परिदृश्य छर्लंग पारेका छन् । साथै विविध पात्रका माध्यमबाट जीवनदर्शन प्रक्षेपण गरेका छन् कथाकारले । मानव जीवनका सन्त्रास, जीजिविषा, अन्धविश्वास, आस्तिकता एवं लंैगिक विसंगतिको चित्र मर्मस्पर्शी ढंगले कथामा उनिएको ईश्वरमणिले बताए । समाजका घटनालाई कथामा बुन्ने कलात्मक सामथ्र्य दीपकमा रहेको बताए । अवचेतन र चेतन मनको उद्घाटन कुशल शैलीले गरेको उनले बताए । कथा छोटा भईकन पनि चुट्किला बन्नबाट भने सर्वथा बचेका छन् भन्नेमा उनले जोड दिए ।
लेखक दीपक समीपले पचासको दशकको सुरुआतदेखि ३ दशकसम्मको साहित्यलेखनका अनुभव र अनुभूति प्रसतुत गरे । कार्यक्रममा स्वागत गर्दै साहित्यकार प्रतीक ढकालले गजलकार एवम् मुक्तककार समीपलाई आख्यानमा ढुक्कले स्वागत गर्न पाएकामा खुसी व्यक्त गरे । साहित्य लेखन सुरु भएदेखि अहिलेसम्मका सहयात्रीहरू खचाखच भएको हलमा सबै सहृदयीहरूलाई धन्यवाद व्यक्त गरे । ६६ वटा लघुकथा समाविष्ट ‘नदीको राजमार्ग संग्र्रहको प्रकाशन पेज टर्नर प्रालि, काठमाडौंले गरेको छ । साहित्यकार दीपक समीपको यो तेस्रो कृति हो ।
यसअघि उनका ‘भूगोलभित्र नकोरिएको देश’, गजलसंग्रह (२०६२) र ‘अक्षर अक्षरमा देश’ मुक्तकसंग्र्रह (२०७८) प्रकाशित छन् । सभापतित्व गरेका साहित्यकार भुवनहरि सिग्देलले समीपको सामान्य विषयलाई सरल लेखनको शैलीबाट विशिष्ट बनाएर पस्कने क्षमताको मुक्तकण्ठले प्रशंसा गरे । कार्यक्रम सञ्चालन साहित्यकार भवानी खतिवडाले गरेकी थिइन् ।
Related News
सम्बन्धित समाचार
डा. कालु शर्मा सुवेदीको अनुसन्धानात्मक उपन्यास ‘खोजीमा’
हेमजा साहित्य प्रतिष्ठानमा चूडामणि खनालको स्मरण
अक्षरयात्राको २१० औं शृंखला खास्टेतालमा
छन्द बचाऊँ वाचनकला पुरस्कारबाट त्रिपाठी सम्मानित
सबीको अपरिभाषित आभा लोकार्पित
hero news full width
मुख्य समाचार
फडिन्द्रले इन्कार गर्दा माओवादीले दिन सकेन मन्त्री
गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१