पोखरा । पोखरा रंगशालामा जारी चौथो टाइगर कप भलिबल प्रतियोगितामा महिलातर्फ सेमिफाइनल समीकरण पूरा भएको छ ।
समूह ‘ए’ मा रहेको विभागीय एपिएफ ५ अंकसहित समूह विजेता बन्यो । उसले अब त्रिभुवन आर्मीसँग बिहीबार पहिलो सेमिफाइनलमा प्रतिस्पर्धा गर्नेछ । ४ अंक बटुलेको आर्मी समूह ‘बि’ को उपविजेता हो ।
यस्तै, चन्द्रागिरी नगरपालिका न्यू डायमण्डले समूह एको उपविजेता नेपाल पुलिससँग दोस्रो सेमिफाइनल खेल्नेछ । डायमण्डले ६ र पुलिसले ३ अंक जोडेका थिए ।
बुधबारको खेलबाट महिलातर्फ अन्तिम चारको टुंगो लाग्दा घरेलु टोली र भारतको हरियाणा क्लब बाहिरिएका हुन् । गण्डकी भलिबल संघका लागि अरुणा शाही कप्तान थिइन् । उनी नेपालको महिला भलिबल टिमका कप्तानसमेत हुन् । घरेलु टोलीसहित हरियाणा टोली समान २ खेलमा अंकविहीन हुँदै घर फर्फिएका हुन् ।
महिलातर्फ एपिएफ, न्यू डायमण्ड, आर्मी र नेपाल पुलिस सेमीमा
बुधबार पहिलो खेलमा एपिएफले गण्डकीलाई २५–१६, २५–९ र २५–१७ को सोझो सेटमा पराजित गरेको छ । जसमा एपिएफकी निरुता ठगुन्ना टाइगर अफ दि म्याच बनिन् ।
न्यू डायमण्ड एकेडेमीले हरियाणालाई २५–१७, २५–१८ र २५–१६ को सोझो सेटमा पराजित गरेको थियो । खेलमा डायमण्डकी सुमित्रा रेग्मी टाइगर अफ दिन म्याच भइन् ।
यस्तै, पुरुषतर्फ समूह ‘बि’ को नेपाल पुलिसले एपिएफ क्लबसँग लिग चरणमा ३–० ले हार व्यहोर्दा घर फर्किन बाध्य भयो । एपिएफ र श्रीलंका आर्मी टिम समान ३ अंकसहित अन्तिम चारमा प्रवेश गरे । गण्डकीले त्रिभुवन आर्मीसँग बिहीबार अन्तिम लिग खेल्नेछ । यी दुवैको उद्घाटन खेल लाइट प्रोटेस्टले रोकिएको थियो । उक्त खेलबाट अन्तिम चारमा जाने टिमको टुंगो लाग्नेछ ।
बुधबार पुरुषतर्फ लिग चरणको खेलमा नेपाल पुलिसले श्रीलंका आर्मी टिमलाई ३–१ ले पराजित गरेको थियो । पहिलो सेट विशाल ४१–३९ सेटमा सकिएको थियो । पहिलो सेट ४१–३९ मा जित्न सफल हुँदा दोस्रो सेट २५–१३ ले पाहुना टोलीलाई सुम्पिएको थियो । तेस्रो सेट २५–२० र चौथो २५–१७ ले जिते पनि पुलिस खेलबाट बाहिरिन पुग्यो । पुलिसका रविन चन्द टाइगर अफ दिन म्याच भए ।
घरेलु टोली गण्डकी भलिबल संघले टिप टप हेल्प नेपालसँग ३–२ सेटको जित निकालेको छ । गण्डकी प्रदेश भलिबल संघ र ३ पाकिस्तानी खेलाडी सम्मिलित हेल्प नेपाल ३–२ ले जित निकालेको छ । खेलमा गण्डकीका अमित गुलिया टाइगर अफ दि म्याच भए ।
जितसँगै गण्डकीले २ अंक जोडेको छ । हेल्प नेपालले कुल ४ अंक प्राप्त गर्दै सेमीफाइनलमा स्थान पक्का गरेको छ । आगामी ६ माघसम्म चल्न प्रतियोगिताका विजेतालाई साढे ५ लाख पुरस्कार व्यवस्था छ ।
Related News
सम्बन्धित समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
गण्डकीमा संविधान भर्सेज सर्वोच्च
पोखराको अमरसिंहको बिजुली पसलमा आगलागी, १ करोडको क्षति
hero news full width
मुख्य समाचार
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१