पोखरा । होटल संघ पोखरा नेपालले गण्डकी प्रदेश घुमघामको नयाँ प्याकेज सार्वजनिक गरेको छ ।
दुई दशकअघि सुरु ‘जाउँ है पोखरा’ अभियानअन्तर्गत भैरहवामा शनिबार आयोजित कार्यक्रममा संघले घुमघाम पोखरा, शैक्षिक भ्रमण, मधुमास, पोखरा–मुक्तिनाथ र पदयात्रा प्याकेज सार्वजनिक गरेको हो । जसमा होटलमा बस्ने, खाने र घुम्नेसम्बन्धी यी प्याकेज २ देखि ४ रातसम्मका र ३ हजारदेखि २६ हजार मूल्यबीचका छन् ।
संघले नेपाल पर्यटन बोर्डको संयुक्त आयोजनामा यसपटक पश्चिम नेपाललाई लक्षित गरी शुक्रबारदेखि ‘जाउँ है पोखरा’ अभियान सुरु गरेको संघ अध्यक्ष लक्ष्मण सुवेदीले बताए । आन्तरिक पर्यटन नै दिगो पर्यटनको आधार हो भन्ने मान्यताअनुरुप अभियानले भैरहवाका अतिरिक्त नेपालगञ्ज, धनगढी र महेन्द्रनगर पनि समेटेको छ ।
अन्तक्र्रियामा सिद्धर्थ होटल एसोसिएसनका अध्यक्ष चन्द्रप्रकाश श्रेष्ठले उद्घाटनको १८ महिना पुग्दा पनि गौतम बुद्ध अन्तर्राष्ट्रिय विमानस्थल उचित रुपमा सञ्चालनमा नआउनु दुर्भाग्य भएको बताए । विमानस्थलबाट नियमित अन्तर्राष्ट्रिय उडान सञ्चालन गर्न आफूहरुको दबाबमूलक आन्दोलन जारी रहेको उनले सुनाए ।
पोखरामा हाल १२ सय होटलमा ४० हजार बेड छन्
पोखरा पर्यटन परिषद् अध्यक्ष पोमनारायण श्रेष्ठले पोखराको नयाँ विमानस्थलबाट अन्तर्राष्ट्रिय उडानका लागि सरकारलाई दबाब दिइएको दोहोर्याए ।
पत्रकार माधव ढुंगानाले पोखरा र गौतम बुद्ध विमानस्थलको यथोचित सञ्चालनका लागि सरकारलाई दबाब दिनुपर्ने बताए । पर्यटन विकास परिषद् लुम्बिनीका कार्यकारी अधिकृत रामु जोशीले पर्यटनलाई अब फरक र एकीकृत ढंगले अगाडि बढाउनुपर्ने भनाइ राखे । भारतीय पर्यटकका पाँच सय गाडी बेलहिया नाकाबाट पार हुने गरेको जानकारी पनि उनले दिए ।
पोखरा घुम्ने पर्यटकमध्ये ३५ प्रतिशत हिस्सा नेपालीको रहने गरेको होटल संघ अध्यक्ष सुवेदीले सुनाए । कार्यक्रममा नेपाल पर्यटन बोर्डका वरिष्ठ अधिकृत कुन्दन मिश्रले बोर्डको गठन, बनावट, उद्देश्य र गतिविधिबारे जानकारी गराए । नाट्टा गण्डकीका अध्यक्ष रचना पन्तले पनि बोलेकी थिइन् । गएको कात्तिकमा पूर्वी नेपालका विभिन्न शहरमा पनि संघले यो अभियान सञ्चालन गरेको थियो ।
पश्चिमबाट पर्यटकलाई पोखरा पठाउने र पोखराबाट समेत पर्यटकलाई पश्चिम पठाउने उद्देश्य पनि कार्यक्रमले लिएको छ ।
पोखरामा हाल १ हजार २ सय होटलमा ४० हजार बेड छन् । यस क्षेत्रमा १५ हजार जनाले रोजगारी पाएको संघले जनाएको छ ।
Related News
सम्बन्धित समाचार
होमस्टे महासंघ गण्डकीको प्रशिक्षण
पर्यटनकर्मीलाई ‘पर्यटकमैत्री सेवा’ सम्बन्धी तालिम
पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
पोखरा भिलेज अब चारतारे
ढोरपाटन सिकार आरक्ष आसपासमा तीस घरबास सञ्चालन गरिने
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१