पोखरा । ‘थाङ्ग्रा’ र ‘जङ्क्सन पिपलबोट’ लाई पहिचान पुरस्कार यस वर्षको पहिचान पुरस्कार प्रगति राईको उपन्यास ‘थाङ्ग्रा’ र प्रकाश गुरागाईंको कृति ‘जङ्क्सन पिपलबोट नयाँ सडकको कथा’ लाई संयुक्तरुपमा प्रदान गरिने भएको हो ।

पहिचान पुरस्कार कोषका तर्फबाट संस्थापक नरेश काङमाङ राईले मंगलबार विज्ञप्ति जारी गरी उक्त जानकारी गराएका हुन् ।

यसअघि, पुरस्कार लागि उत्कृष्ट ८ पुस्तक पुरस्कार छनोटका लागि सिफारिस गरिएको थियो । जसमा शुन्यको मूल्य, रसिया राग, कामी, आतोओडा, मद्वारा मेरो निर्माण र तीन फरक विषय (फोकल्याण्ड युद्धका सिपाही, पहिलो विश्वयुद्धका चिठी र उनै जंगबहादुर) पनि छनोटमा परेका थिए ।