पोेखरा । प्रथम लामाचौर कप फुटबल प्रतियोगितामा शीतलज्योति युवा क्लब र आदर्श युवा क्लब सेमिफाइनल प्रवेश गरेका छन् ।
एलसी ब्रदर्स युनाइटेड आयोजनामा लामाचौर फुटबल मैदान, गोस्तेघाटमा जारी प्रतियोगितामा बुधबार क्वाटरफाइनलका खेल जित्दै उनीहरु अन्तिम चारमा पुगेका हुन् ।
पहिलो क्वाटरफाइनलमा शीतलज्योतिले नेपाल प्रहरी गण्डकी प्रदेशलाई हरायो । शीतलज्योतिको जितका लागि १५ औं मिनेटमा सन्दीप गुरुङले गोल गर्दै टिमलाई अग्रता दिलाए । पहिलो हाफको अन्तिम मिनेटमा नेपाल प्रहरीको कमजोर डिफेन्सको फाइदा उठाउँदै पुन १ गोल गरेका थिए ।
प्रतिस्र्धात्मक खेलको पहिलो हाफमा २ गोलले पछि परेको नेपाल प्रहरीले दोस्रो हाफको सुरुवातसँगै खेलमा पुनरागमन गर्यो । ३७ औं मिनेटमा विवेक गुरुङले १ गोल गरेका हुन् । ४२ औं मिनेटमा आशीष थारुले १ गोल गर्दै खेल बराबरीमा पुर्याए पनि सम्हालिन नसक्दा शीतलज्योतिका सन्दीप गुरुङले ५५ औं मिनेटमा ह्याट्रिक पूरा गर्न सफल भए । ५८ औं मिनेटमा शीतलज्योतिका युनिक तामाङले गोल गर्दै टिमको लागि ४–२ गोलअन्तरको जित दर्ता गराए । खेलमा सन्दीप गुरुङ म्यान अफ द म्याच घोषित भए।
दोस्रो क्वाटरफाइनलमा आदर्श युवा क्लब, भण्डारढिक सैनिक बस्तीले बानिया ब्रदर्श, लामाचौरमाथि ३–० गोलअन्तरको सहज जित हात पार्दै सेमिफाइनल यात्रा सुनिश्चित गरेको थियो । जितमा राजकुमार कुँवरले खेलको पाँचौं मिनेटमा गोल गर्दै अग्रता दिलाए । बानिया ब्रदर्शका विशाल नेपालीको आत्मघाती गोलले आदर्श युवा क्लब २–० ले अगाडि रह्यो । आदर्शका लागि अन्तिम गोल खेलको ३७ औं मिनेटमा विकास परियारले गरे । खेलको म्यान अफ द म्याच आदर्शका कप्तान अर्जुन गुरुङ भए ।
तेस्रो क्वाटरफाइनलमा एलजी एसोसिएसन, लालिगुँरास टोल र गण्डकी स्पोर्टस मालेपाटनबीच हुनेछ । अर्कोमा बानिया ढिकुरपोखरी युवा समाज, नौडाँडा र एन टु कफी सप, टुँडिखेलबीच हुनेछ ।
गत १९ कात्तिकदेखि सुरु प्रतियोगितामा १४ टोलीले भाग लिएका छन् ।
विजेताले २ लाख र उपविजेताले १ लाख साथमा ट्रफी, मेडल र प्रमाणपत्र साथै विधागत पुरस्कार प्राप्त गर्ने छन् । फाइनल २५ कात्तिकमा हुनेछ ।
४ वर्षदेखि हुँदै आएको यो प्रतियोगिता मैदान अभावले सेभेन ए साइडमा खेलाइने गरिएको थियो । हाल लामाचौरमै पूर्ण मापदण्डको फुटबल मैदान बनेकोले इलाभेन ए साइडमै खेलाइएको आयोजक एलसी ब्रदर्स युनाइटेडका अध्यक्ष शंकर केसीले बताए ।
Related News
सम्बन्धित समाचार
यु–१४ फुटबल प्रशिक्षण
सहारा एकेडेमीमा यु–१४ फुटबल प्रशिक्षण
वागमतीलाई बहिरा महिला फुटबल उपाधि
आर्मी आहारारा गोल्डकपको नयाँ च्याम्पियन
आहा रारा पोखरा गोल्डकपकाे कस्ले जित्ला उपाधि ?
hero news full width
मुख्य समाचार
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१