पोखरा । कास्की दरवारमा रहेको गुप्तकालिका मन्दिरमा घटस्थापनाको साइत हेरेर मन्दिर प्रवेश गरिएको छ । परापूर्व कालदेखि दसैंमा पुजारी नवरात्र भर दरवारमा बस्ने गर्दछन् । विश्व शान्तिको कामना गर्दै आइतबार भारदारी चौतारामा जम्मा भइ मन्दिरमा घटस्थापना गरिएको गुप्तकाली काश्यप धार्मिक क्षेत्र विकास समिति सचिव ठाकुरप्रसाद त्रिपाठीले बताए । कास्कीकोट दरबारमा रहेको गुप्तकालिका मन्दिरमा विश्व शान्तिको कामना गर्दै नवदुर्गा महोत्सव समेत सुरु भएको छ । गुप्तकाली काश्यप धार्मिक क्षेत्रविकास समितिको आयोजनामा वडादसैंको अवसरमा घटस्थापनादेखि नवमीसम्म महोत्सव हुनेछ ।
परापूर्व कालदेखि तान्त्रिक तथा वैदिक पूजा हुँदै आएको मन्दिरमा यस वर्ष विश्वमा भैइरहेको युद्ध तथा प्राकृतिक प्रकोपबाट मानवीय तथा भौतिक क्षति नहोस् भन्दै शान्तिको कामनार्थ घटस्थापनादेखि दशमीसम्म पुजारीहरू मन्दिरमा नै बसेर गुप्तकालिकाको पूजा गरिने धार्मीक क्षेत्रविकास समितिका अध्यक्ष दिलीपविक्रम शाहीले बताए ।
नवदुर्गाभर विशेष रुपमा चण्डी पाठ दुर्गा कवच हुने धार्मिक क्षेत्रविकास समितिका सचिवठाकुर प्रसाद त्रिपाठीले बताए । त्रिपाठीका अनुसार कास्कीकोट गुप्तकालिका मन्दिरमा परापूर्व कालदेखि पर्व विशेषमा विभिन्न गतिविधि सञ्चालन हँुदै आएको छ । यस वर्षको दसैंको १० दिनसम्म कोतघरमा पुजारीसहित विश्व शान्तिको कामना गर्दै विशेष पूजा सुरु भएको छ । फूलपातीमा पोखराको रामघाटबाट लगेको फूलको डोली विधिवत मन्दिर प्रवेश गराएर नवपत्रिकाको तान्त्रिक पूजा गरिने त्रिपाठीले बताए । फूलपातीकै दिन कुँवर जातिको लोप उन्मुख सैन्य अभ्यास सरुन खेल समेत प्रर्दशन गरिने कार्यक्रम छ । अष्टमीको दिन मध्यरातमा कालरात्रिको पूजा र नवमीमा पञ्चवली दिने गरिन्छ । दशमीमा मन्दिरमा टीका ग्रहण गरी बास्पानीकालिकामा फूलपत्रसहित पूजा विर्सजन हुनेछ ।
Related News
सम्बन्धित समाचार
पोखरामा श्रीमद्भागवत् महायज्ञ सुरु
नयाँबजारमा भोलिदेखि श्रीमद्भागवत् ज्ञान महायज्ञ
तोरन्लमा रमाउँदै थकाली समुदाय
पोखरामा श्रीमद्भागवत् ज्ञान महायज्ञ तयारी
वाल्मीकि आश्रम पुग्न भारतीय भूमि प्रयोग गर्नुपर्ने बाध्यता
hero news full width
मुख्य समाचार
जलवायु परिवर्तन असर : मुस्ताङको स्याउ उकालो चढ्दै
त्रासैत्रासमा तंग्रिदै कागबेनी
वैशाख १४, २०८१मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१