पोखरा । ३० औं अन्तर्राष्ट्रिय ज्येष्ठ नागरिक दिवसको अवसरमा आन्दित गृह नेपालले शनिबार गुरुङ दम्पतीलाई सम्मान गरेको छ ।
आन्दित गृह नेपाल र पोखरा वृद्धाश्रमले संयुतm रुपमा आयोजना गरेको कार्यक्रममा गोपाल गुरुङ र उनकी पत्नी लक्ष्मी गुरुङ सम्मानित भएका हुन् । उनीहरुले वृद्धवृद्धाकोे संस्थालाई आर्थिक, नैतिक र भौतिक सहयोग गर्नुको साथै अन्यलाई पनि सहयोग गर्न उत्प्रेरित गरेकाले सम्मान गरिएको हो ।
कार्यक्रममा गण्डकी प्रदेश सरकारका सामाजिक विकास तथा स्वास्थ्य मन्त्री सुशीला सिंखडाले समय, परिस्थिति, बाध्यता र फेसनकै कारणले पछिल्लो समय देशका युवाहरु विदेशिने चलन बढ्नाले ज्येष्ठ नागरिक एक्लिएको बताइन् । उनीहरुको रेखदेख गर्ने कोही नहुँदा वृद्धाश्रम अहिलेको आवश्यकता भएको उनको भनाइ थियो ।
‘गण्डकी प्रदेश सरकार वृद्ध आमा बुबाको साथमा छ भन्ने आभाष दिन्छांै,’ उनले भनिन् ।
कार्यक्रममा आन्दित गृह नेपालका अध्यक्ष डा. यज्ञमान शाक्यले आनन्दित गृह नेपाल आफ्नै भौतिक संरचनामा सञ्चालन भएकाले अहिलेसम्म सेवा दिन सकेको बताए । यस्तो संस्था खोलेर सेवा दिने मनसाय भए आफ्नै भौतिक संरचना हुनुपर्ने नत्र सम्भव नहुने उनको तर्क छ ।
कार्यक्रममा नेपाल रेडक्रस सोसाइटी पोखरा १२ उपशाखाका प्रमुख कुश्मराज आचार्य, पोखरा महानगरपालिका जेष्ठ नागरिक संघका प्रमुख भक्तराज श्रेष्ठ, ज्येष्ठ नागरिक साझा चौतारी रत्नचोकका अध्यक्ष भुपेन्द्र गिरी, पोखरा ज्येष्ठ नागरिक महासंघका सचिव कुशुमकेशव पराजुली, संस्थाका सदस्य खड्गसिंह रानाभाट लगायतले बोलेका थिए । संस्थाका सदस्य सुशीला खनालले कार्यक्रम सञ्चालन र संस्थाका सदस्य रमेश ताम्राकारले स्वागत गरेका थिए ।
संस्थाको १० औं साधारण सभाले संस्थाको विधानका केही बुँदा परिवर्तन गरेको संस्थाका सचिव रोमा राउत शाक्यले बताइन् ।
Related News
सम्बन्धित समाचार
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
लान्द्रुकमा हनी हन्टिङ महोत्सव तयारी
संरक्षण थालिएको ताल नै सुकेपछि…
अकला आयोजना सञ्चालनमा खानेपानी संस्थान नै बाधक !
गण्डकीका ४ सय ६७ स्थानमा डढेलो
hero news full width
मुख्य समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१