पोखरा । १६ औं राष्ट्रिय पुस्तकालय दिवस ¥यान्डम रिडर्स सोसाइटीले पुस्तक आदानप्रदान गरेर मनाएको छ । शुक्रबार पोखरामा आयोजित कार्यक्रममा ५० जनाले आपसमा पुस्तक साटासाट गर ।

कार्यक्रममा पुस्तकालय दिवसको महत्वमाथि सोसाइटीका सदस्य खिम लामिछाने ‘काजी’ले चर्चा गरेका थिए । पुस्तक आदानप्रदानको सुरुवात संस्थापक गनेस पौडेलले गरे ।

यसैबीच नवगठित कार्यसमितिका पदाधिकारीलाई निवर्तमान अध्यक्ष केशवशरण लामिछाने र संस्थापक गनेस पौडेलले पदस्थापन गराए । समिति अध्यक्षमा रुपिन्द्र प्रभावी, उपाध्यक्ष गौरी तमु र अनुपमणि अधिकारी, सचिव नेपालप्रकाश अधिकारी, कोषाध्यक्ष धु्रव केसी र सहसचिव दीपक पराजुली छन् ।

सदस्यहरूमा बाबुराम सुवेदी, विष्णु सुवेदी, रामजीप्रसाद आचार्य, अमृत सुवेदी, दुर्गा राना, एलिसा विक, रत्नाकुमारी विश्वकर्मा र खिम लामिछाने ‘काजी’ छन् । समितिको सल्लाहकारमा गनेस पौडेल, उपेन्द्र पौडेल र केशवशरण लामिछाने छन् भने पुस्तक छनोट समितिमा केशवशरण लामिछानेको संयोजकत्वमा विजय भण्डारी र हसिना बस्नेत छन् ।

सोसाइटीले पुस्तक दिवस र पुस्तकालय दिवसमा पुस्तक आदानप्रदानलगायतका कार्यक्रम सञ्चालन गर्दै आएको छ । आफ्नो पहिलो मासिक नियमित कार्यक्रम आगामी भदौ ३० गते शनिवार पोखरा उद्योग वाणिज्य संघको अमृत कक्षमा डा. नवराज केसीको कृति ‘शून्यको मूल्य’ माथि परिचर्चा गर्ने सोसाइटीले जनाएको छ ।