पोखरा । लागुऔषधसहित पक्राउ परेका पोखराबाट ५ जनालाई जिल्ला प्रहरी कार्यालय कास्कीले आइतबार सार्वजनिक गरेको छ । उनीहरुमध्ये अफिमसहित ३ जना र डाइजोपाम, फेनेरागज, नुर्फिन साथै नाइट्रोभ्याटसहित २ जना शनिबार पक्राउ परेको कास्की प्रहरीका सूचना अधिकारी श्रवणकुमार विकले बताए ।

पूर्वी रुकुमको पुथाउत्तरगंगा गाउँपालिका २ बस्ने ४१ वर्षीय दिपेश पुन, सोही गाउँपालिका १ का ४० वर्षका विराज पुन र बाग्लुङको निसीखोला गाउँपालिका ५ का ४६ वर्षीय तेजेन्द्रबहादुर पुनलाई अफिमसहित पक्राउ गरिएको सूचना अधिकारी विकले बताए । उनीहरुको साथबाट ५ किलो ७ सय ग्राम अफिमसहित ३ थान मोबाइल बरामद गरिएको थियो । उनीहरुमध्ये दिपेसलाई पोखरा २५ हेमजाबाट पक्राउ गरिएको थियो । तेजेन्द्र र विराज पोखरा ५ लेकसाइडबाट पक्राउ परेका हुन् ।

डाइजोपाम, फेनेरागज, नुर्फिन र नाइट्रोभ्याटसहित कास्कीको माछापुच्छ«े गाउँपालिका ३ घाचोकका ३२ वर्षीय अमृत ठकुरी शनिबार घाचोकबाट पक्राउ परेका हुन् । सोही प्रकारको लागुऔषधसहित पोखरा २९ भण्डारढिकका ३४ वर्षीय आशिक पौडेललाई पनि आइतबार नै पक्राउ गरिएको सूचना अधिकारी विकले जानकारी दिए ।

उनीहरूको साथबाट नुर्फिन ३८७, फेनेरागन ३८५, डाइजोपाम ३८३ र नाइट्रोभ्याट ट्याब्लेट २०५ चक्की फेला परेको उनले बताए । साथै मोबाइल २ सेट र ग २ च १७६७ नम्बरको टाटा टेल्कोलाइन गाडी बरामद गरिएको छ । उनीहरूलाई २० दिन म्याद थप गरी अनुसन्धान भइरहेको छ ।