वातावरण पत्रकारिता पुरस्कार पोखराका कृष्णमणि बराललाई

आदर्श समाज सम्वाददाता
जेठ २२, २०८०

पोखरा । पत्रकार कृष्णमणि बरालले वातावरण पत्रकारिता पुरस्कार–२०२२ पाउने भएका छन् । नेपाल वातावरण पत्रकार समूह (नेवापस) ले ‘विश्व वातावरण दिवस—जुन ५’ को अवसरमा उक्त पुरस्कार बराललाई दिने घोषणा गरेको हो । २५ वर्षदेखि पत्रकारितामा क्रियाशील बराल हाल अन्नपूर्ण पोस्टमा कार्यरत छन् ।

समूहले प्रत्येक वर्षको जुन ५ मा पत्रकारहरुको प्रोत्साहनका लागि वातावरण पत्रकारिता पुरस्कार प्रदान गर्दै आएको छ । सन् २०२२ भरि वातावरण र दिगो विकासका विषयमा पत्रपत्रिका, रेडियो, टेलिभिजन तथा अनलाइनमा प्रकाशित–प्रसारित सामग्री र कार्यक्रमहरु मध्येबाट छनौट गरी सान्दर्भिकता, मौलिकता, भाषा शैली र तथ्य–तथ्यांकका आधारमा मूल्यांकन गरेर यो पुरस्कार प्रदान गर्ने निर्णय भएको हो ।

पुरस्कारका लागि समूहले पत्रकारहरुलाई सन् २०२२ भरिका आफ्ना लेख–रचना तथा कार्यक्रम समावेश गरी आवेदन दिन आह्वान गरेको थियो । समूहका पूर्व अध्यक्ष राजेन्द्र दाहालको संयोजकत्वमा समूहका पूर्व महासचिव रमेश भुसाल र विज्ञ सदस्य डा. हुम गुरुङ सम्मिलित ३ सदस्यीय निर्णायक मण्डलको सिफारिसका आधारमा पुरस्कारको निर्णय गरिएको हो ।

समूहद्वारा स्थापित ‘वातावरण पत्रकारिता पुरस्कार–२०२२’ पाउने बराल ३६ औं पत्रकार हुनुहुन्छ । यो पुरस्कार समूहको आगामी साधारणसभाका दिन हस्तान्तरण गरिने छ ।

सम्बन्धित समाचार

गण्डकीको वन विधेयकमाथि सुझाव : चीनमा बाँदर पठाऔं, उताबाट च्यांग्रा ल्याऔं

आदर्श समाज सम्वाददाता भाद्र १७, २०८०

पोखरा । प्रदेश भित्रको सरकारी वन प्रदेशको एकल अधिकार सूचीमा छ । संघ सरकारले बनाएको ऐन र नियमावलीले भने प्रदेशको…
केही स्थानमा हल्का वर्षाको सम्भावना

आदर्श समाज सम्वाददाता भाद्र २, २०८०

काठमाडौं । मनसुनको न्यून चापीय रेखा पश्चिमतिर सरदर स्थानभन्दा उत्तरतिर र पूर्वतर्फ सरदर स्थानभन्दा दक्षिणतिर रहेको छ । भारतको ओडिसा…
प्रदेश वन विधेयक टेबल

आदर्श समाज सम्वाददाता श्रावण ३१, २०८०

पोखरा । गण्डकी प्रदेश भित्रको वनलाई नियमन र व्यवस्थापन गर्न बनेको विधेयक प्रदेश सभामा मंगलबार टेबल भएको छ । २४…
गण्डकीसहित देशका अधिकांश स्थानमा वर्षा, सतर्क रहन आग्रह

आदर्श समाज सम्वाददाता श्रावण २८, २०८०

पोखरा । मनसुनको न्यून चापीय रेखा सरदर स्थानभन्दा उत्तरतिर अर्थात् नेपाल नजिक रहँदा मुलुकका अधिकांश स्थानमा आज दिनभर वर्षा हुनेभएको…
फिर्केको मापदण्ड ५ कि १० मिटर ?

आदर्श समाज सम्वाददाता श्रावण ३, २०८०

पोखरा । फिर्के पोखराको बीच भागबाट बग्ने खोला हो । तर फिर्के मिच्नेहरु यसलाई खोला मान्नै तयार छैनन् । उनीहरु भन्छन्,…