पोखरा । नेकपा एमालेले संगठन विभाग प्रमुखबाट खगराज अधिकारीलाई हटाएर काशिनाथ अधिकारीलाई जिम्मा दिएको छ । स्थायी कमिटी सदस्य रहेका अधिकारीले अब जिल्ला इन्चार्जको जिम्मा पाउने भएका छन् । काशिनाथ प्रदेश इन्चार्ज थिए ।

यसैगरी प्रचार विभागबाट प्रमुख रहेका पृथ्वीसुब्बा गुरुङको पनि जिम्मेवारी फेरिएको छ । महासचिव र उपमहासचिवले कार्यालय र संगठन हेर्नुपर्ने भएकाले पिएसको जिम्मेवारी फेरिएको हो ।

शुक्रबार बसेको एमाले केन्द्रीय सचिवालयको बैठकले एमालेले जिल्ला इन्चार्जमा स्थायी कमिटी सदस्यलाई पठाउने र केन्द्रीय सदस्यहरुले पालिका इन्चार्जको जिम्मेवारी लिने निर्णय समेत गरेको छ ।