पोखरा । लुम्बिनी विकास बैंक लिमिटेड अरण्यज्योति क्रिकेट प्रतियोगितामा समूह ‘ख’ बाट पेलिकेन्स तनहुँ र सांग्रिला क्रिकेट क्लब सेमिफाइनलमा प्रवेश गरेका छन् । शनिबार भएको खेलमा जित हासिल गर्दै समान ४ अंकसहित यी दुई क्लबले सेमिफाइनलमा स्थान बनाएका हुन् । यो सँगै प्रतियोगिताको सेमिफाइनल समीकरण पूरा भएको छ । अब आइतबार हुने सेमिफाइनलमा ग्रुप ए को विजेता अरण्यज्योतिले गु्रप बि को उपविजेता साँग्रिलासँग तथा ग्रुप बि को विजेता तनहुँले ग्रुप ए को उपविजेता बाग्लुङसँग प्रतिस्पर्धा गर्नेछ ।
शनिबारको पहिलो खेलमा सांग्रिलाले पल्सर सिइसीलाई २६ रनले पराजित गरेको थियो । पहिला व्याटिङ गरेको सांग्रिलाले कृष्ण कार्कीको ३२ तथा विपीन खत्रीको २५ रनको मद्दतमा पूरा २० ओभरमा ९ विकेट गुमाएर १ सय ८ रन बनाएको थियो । सिइसीका बलरहरू स्वरुप श्रेष्ठले ४ तथा किरण चन्दले १ विकेट लिए । प्रत्युत्तरमा सिइसीले पूरा २० ओभरमा ६ विकेट गुमाएर ८२ रनमात्रै बनाउन सक्यो । सिइसीका रित गौतमले ३६ तथा कृष्ण भट्टले १५ रन जोडे । बलिङतर्फ २ विकेट लिएका सांग्रिलाका कृष्ण कार्की म्यान अफ द म्याच चुनिए । अर्का बलर नारायण जोशीले पनि २ विकेट लिएका थिए ।
शनिबारकै अर्को खेलमा तनहुँले राइजिङ पोखरामाथि २ रनको रोमाञ्चक जीत निकाल्यो । वर्षाका कारण रोकिने र सुचारु हुने भएको खेलमा राइजिङ पोखराले डिएलए नियमअनुसार १२ ओभरमा ८३ रनको लक्ष्य पाएको थियो । तर उसले ७ विकेटको क्षतिमा ८० रन मात्रै बनाउन सक्यो । तुले थापाले आक्रामक ब्याटिङ गर्दै १० बलमा ३ छक्कासहित १९ रन तथा कप्तान अमृत गुरुङले २६ रनको पारी खेले पनि पोखरा राइजिङ जीतको नजिकै पुगेर पनि जीत निकाल्न सकेन ।
त्यसअघि ब्याटिङ गरेको तनहुँले २० ओभरमा १ सय १५ रन बनाएको थियो । तनहुँका लागि क्रिस कार्कीले २८ तथा इशान पाण्डेले २६ रन बनाए । राइजिङका बलरहरू कृष्ण पौडेलले ३ तथा अमृत गुरुङले २ विकेट लिएका थिए । खेलमा तनहुँका इशान पाण्डे म्यान अफ द म्याच भए ।
Related News
सम्बन्धित समाचार
टी–ट्वान्टी छात्रा क्रिकेट प्रतियोगिता शनिबारदेखि
पट्नेरीमा अन्तर्राष्ट्रियस्तरको क्रिकेट रंगशाला बनाउन सिफारिस
प्रतिभाले जित्यो एक्सपर्ट पोखरा कप क्रिकेटको उपाधि
पोखरा कप क्रिकेट : मदरल्यान्ड र कास्की मोर्डनाइज विजयी
पोखरा कप विद्यालयस्तरीय क्रिकेटमा सगरमाथा र अंमरसिंहको जित
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१