पोखरा । ब्रह्माकुमारी ईश्वरीय विश्वविद्यालय शाखा पार्दीले महाशिवरात्रीको अवसरमा श्रीमद्भागवत् कथा ज्ञान महायज्ञ सप्ताहको आयोजना गरेको छ । विश्वमा शान्ति, पितृहरुको उद्धार र सर्वपक्षीय समृद्धिको लक्ष्यसहित आयोजना गरिएको महायज्ञको शुभारम्भ गण्डकीका मुख्यमन्त्री खगराज अधिकारीले गरेका थिए ।

मुख्यमन्त्री अधिकारीले आत्मिक जागरणले मानवलाई समृद्धितर्फ उन्मुख गराउन महायज्ञले सहयोग गर्ने बताए । महायज्ञमा भागवत् वाचिका राजयोगिनी अमृत दिदीबाट कथा श्रवणको अवसर मिल्नेछ ।

कार्यक्रममा ब्रह्माकुमारी ईश्वरीय विश्व विद्यालय, नेपालका निर्देशक राजयोगिनी परिणीता दिदी र महासचिव राजयोगी शैलेषराज बरालले बोलेका थिए । कार्यक्रम सञ्चालन ब्रह्माकुमार शिशिर रेग्मीले गरेका थिए ।