पोखरा । पर्यटन व्यवसायी महिल संघ नेपाल (टेवान) ले व्यवसाय प्रवद्र्धनको लक्ष्यका साथ ‘विजनेस नेटवर्किङ एन्ड फेलोसिप प्रोग्राम’ सम्पन्न गरेको छ ।
विभिन्न व्यवसायसँग आवद्ध व्यवसायीबीच भाइचारा अभिवृद्धि गर्दै सामूहिक रुपमा व्यावसायिक सफलता हासिल गर्ने लक्ष्य अनुरुप कार्यक्रम आयोजना गरिएको टेवान अध्यक्ष कमला गिरीले जानकारी दिइन् । विभिन्न व्यवसायमा आवद्ध व्यवसायी एवम् व्यावसायिक संघसंस्थाका अध्यक्ष एवं प्रतिनिधिसहित ९५ जनाको सहभागिता रहेको उनले बताइन् ।
कार्यक्रममा टेवानका सल्लाहकार एवं वरिष्ठ पर्यटन व्यवसायी गणेशबहादुर भट्टराईले व्यावसायिक सफलताका लागि सबै किसिमका व्यवसायीबीच समन्वय हुनु जरुरी रहेको बताए । यस किसिमका कार्यक्रमले सामूहिकरुपमा व्यावसायिक सफलता हासिल हुने उनको भनाइ थियो ।
पोखरा पर्यटन परिषद्का वरिष्ठ उपाध्यक्ष कृष्ण भण्डारीले पर्यटनसँग सम्बन्धित मात्र नभै अन्य किसिमका व्यवसायीलाई पनि एकै थलोमा ल्याएर छलफल एवं अन्तक्र्रिया गरिनु महत्वपूर्ण रहेको बताए । संघका अध्यक्ष गिरीको अध्यक्षतामा भएको कार्यक्रमको संचालन महासचिव अनिता खड्का भट्टराईले गरेकी थिइन् । कार्यक्रममा संस्थापक अध्यक्ष लक्की कार्की, उपाध्यक्ष प्रभा सुवेदी, सदस्य एवं कार्यक्रम संयोजक शान्ता सुवेदी लगायतले बोलेका थिए ।
उक्त अवसरमा मिर्सा सामुदायिक होमास्टे, हुस्टन एजुकेसन सेन्टर, क्विन हुक्का सप, गो बञ्जी नेपाल लगायतले स्टलमार्फत व्यवसायको प्रवद्र्धन गरेका थिए ।
Related News
सम्बन्धित समाचार
पोखरा भिलेज अब चारतारे
ढोरपाटन सिकार आरक्ष आसपासमा तीस घरबास सञ्चालन गरिने
अन्नपूर्ण क्षेत्रमा भित्रिए ९ महिनामा १ लाख ४४ हजार पर्यटक
बन्दीपुरमा अन्तर्राष्ट्रियस्तरको रेष्टुरेन्ट र टुरिष्ट पार्क सञ्चालन
पर्यटनको राजधानी घोषणा वर्ष
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१