पोखरा। गण्डकी प्रदेशका मुख्यमन्त्री कृष्णचन्द्र नेपाली पोखरेलसँग सैनिक कमाण्ड तथा स्टाफ कलेजमा जारी तालिममा प्रशिक्षार्थीले सोमबार अन्तक्र्रिया गरेका छन् । संघीयता कार्यान्वयमा देखिएका चुनौती, अवसर, आर्थिक विकास, भौतिक पूर्वाधारदेखि सम्भाव्यताका बारेमा प्रशिक्षार्थीले राखेका जिज्ञाशा मुख्यमन्त्री पोखरेलले मेटाए ।
उक्त अवसरमा मुख्यमन्त्री पोखरेलले संघीयता कार्यान्वयनका सिलसिलामा ५ वर्षे अवधि पार गर्दै गर्दा धेरै उल्झन खेप्नु परेको बताए ।
प्रदेशको सुरक्षा प्रदेशकै जिम्मा रहे पनि संघीय सरकारकै कारण यो व्यवस्था कार्यान्वयनमा आउन नसकेको उनले बताए । संघले प्रदेशलाई विश्वास नगरे झंै गरी प्रहरी समायोजनमा अलमल गर्दा प्रदेश सरकारलाई कार्यसम्पादनमा असहजता उत्पन्न भएको उनको भनाइ थियो । तर पनि प्रहरीका लागि आवश्यक भौतिक संरचना निर्माणदेखि बन्दोबस्तीका सामान उपलब्ध गराइरहेको उनले बताए ।
आर्थिक विकासको सन्दर्भमा राखेको जिज्ञाशामा उनले प्रदेशको अर्थतन्त्रको आकार सानो भएको, संघीय सरकारको अनुदान नै मुख्य स्रोत भएको भनाइ राखे । उनले भने, गण्डकीको अर्थतन्त्रले कुल ग्राहस्थ उत्पादनमा ९ प्रतिशत मात्र योगदान गर्छ । हाम्रो आम्दानी नै कम छ । यातायात क्षेत्र नै आन्तरिक आम्दानीको मुख्य स्रोत हो ।
प्रदेशको प्रथम पञ्चवर्षीय योजनामा पर्यटनलाई समृद्धिको पहिलो आधार मानिएको भन्दै मुख्यमन्त्री पोखरेलले त्यसै अनुसार हामीले पर्यटन ऐन पनि ल्याएको बताए । पर्यटन, ऊर्जा, कृषि र उद्योग क्षेत्र हाम्रा उच्च सम्भावना भएका क्षेत्र रहेको मुख्यमन्त्री पोखरेलको भनाइ थियो ।
प्रदेशस्तरका समस्या समाधानका लागि संविधानको धारा २३४ ले प्रधानमन्त्रीको अध्यक्षतामा अन्तरप्रदेश समन्वय परिषदको व्यवस्था गरेको, राष्ट्रिय प्राकृति स्रोत तथा वित्त आयोगको गठन भएको र केही समस्या आइपरे निरुपण गर्न संवैधानिक इजलाशको प्रावधान रहेको उनले बताए । प्रदेशमा मुख्यमन्त्रीको अध्यक्षतामा प्रदेश समन्वय परिषदको व्यवस्था रहेको मुख्यमन्त्रीले उल्लेख गरे । शिक्षा, स्वास्थ्य र सामाजिक क्षेत्रमा प्रदेश सरकारले उल्लेखनीय भूमिका निर्वाह गरेको दाबी उनले गरे ।
कार्यक्रममा प्रदेशका प्रमुख सचिव रविलाल पन्थले सुरक्षा संयन्त्र परिचालनका लागि प्रदेश प्रहरी प्रमुखको कमाण्ड रहने र जिल्लास्तरमा प्रमुख जिल्ला अधिकारीले परिचालन गर्ने प्रावधान रहेको बताए ।
नेपाली सेनाका महासेनानी जयन्द्र केसीले कार्यक्रमको औचित्यमाथि प्रकाश पार्दै समय प्रदान गरेकामा मुख्यमन्त्रीलाई धन्यवाद् व्यक्त गरे । उक्त अवसरमा ४२ जना प्रशिक्षार्थी सहभागी थिए । तालिममा नेपाली सेनाका सेनानी र सशस्त्र प्रहरीका डिएसपी सामेल छन् ।
गण्डकी प्रदेशका मुख्यमन्त्री कृष्णचन्द्र नेपाली पोखरेलसँग सैनिक कमाण्ड तथा स्टाफ कलेजमा जारी तालिममा प्रशिक्षार्थीले सोमबार अन्तक्र्रिया गरेका छन् । संघीयता कार्यान्वयमा देखिएका चुनौती, अवसर, आर्थिक विकास, भौतिक पूर्वाधारदेखि सम्भाव्यताका बारेमा प्रशिक्षार्थीले राखेका जिज्ञाशा मुख्यमन्त्री पोखरेलले मेटाउनुभएको छ । प्रदेशका प्रमुख सचिव रविलाल पन्थ सहभागी कार्यक्रम नेपाली सेनाका महासेनानी जयन्द्र केसीले कार्यक्रमको विषयवस्तुमाथि प्रकाश पार्नुभयो । तालिममा सहभागी सेनानी र सशस्त्र प्रहरीका डिएसपीसहित ७ जनाले जिज्ञाशा राखेका थिए ।
Related News
सम्बन्धित समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
गण्डकीमा डायलाइसिसका लागि अब पालो कुर्न नपर्ने
स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१