पोखरा । नवौं राष्ट्रिय खेलकुदको लागि गण्डकी प्रदेशले भलिबलतर्फको महिला र पुरुष टोलीको घोषणा गरेको छ ।

प्रदेश खेलकुद परिषद् गण्डकीले पुरुषतर्फ हरि पाण्डे (स्याङ्जा) र महिलातर्फ अरुणा शाहीको कप्तानीमा समान १२ सदस्यीय टोली घोषणा गरेको हो । पुरुषतर्फ कप्तान पाण्डेसहित, रवि केसी, किरण गुरौं, घनश्याम चौधरी, सन्तोष थापामगर, सन्जय परियार, दीपक मल्ल ठकुरी, हिमाल सुनारी, प्रेमबहादुर कुमाल, सुजन चोखाल, सुवास कुँवर र राजन थापा छन् ।

महिलातर्फ कप्तान शाहीसहित रेविना घर्तीमगर, सस्मिता पुन, पवित्रा श्रीपाली, मनीषा तिलिजापुन, ममता डगौरा, गंगा गुरुङ, सम्पदा गुरुङ, रीमा कुँवर, प्रतीक्षा सेन ठकुरी, साइन थापा र हिमाली रोकामगर छन् । टोली प्रशिक्षक रमेश केसी र व्यवस्थापकमा जीवन भण्डारी छन् ।

विशेष प्रशिक्षणका लागि शनिबार नै प्रशिक्षकसँग सम्पर्क गर्न आग्रह गरिएको छ । गण्डकी प्रदेशले पहिलो चरणमा असोज १ गतेदेखि विशेष प्रशिक्षण र असोज १५ देखि बन्द प्रशिक्षण गर्ने जनाएको छ । प्रदेश खेलकुद परिषद् गण्डकीका सदस्य सचिव तेजबहादुर गुरुङले शनिबारसम्म छनोटमा परेका खेलाडीहरु पोखरामा आउने र आईतबारबाट विषेश प्रशिक्षण सुरु गरिने जानकारी दिए । केही खेलको प्रशिक्षण भने शनिबारदेखि नै सुरु गरिएको उनले बताए ।