पोखरा । सिद्धार्थ आर्थिक करिडोरका लागि स्थानीय तहका प्रमुखहरूको साझा मञ्चद्वारा पोखरामा ‘सिद्धार्थ आर्थिक करिडोर : सिकाइ गोष्ठी’ सुरु भएको छ ।
प्रभावकारिता स्थानीय सेवाका लागि सार्वजनिक निजी साझेदारीका विषयमा गहन छलफल हुने गोष्ठीमा १६ स्थानीय तह प्रमुख र उपप्रमुखका साथै प्रमुख प्रशासकीय अधिकृतहरुको सहभागिता छ ।
गोष्ठी उद्घाटन गर्दै पोखरा महानगरपालिकाका प्रमुख धनराज आचार्यले सिद्धार्थ करिडोरको पर्यटनसँगै आर्थिक विकासमा महत्वपूर्ण मार्गदर्शन प्राप्त हुने विश्वास व्यक्त गरे । गोष्ठीमा छलफल हुने हरेक विषयमाथिको सार्थकता र औचित्यले यस क्षेत्रको आवश्यकता र प्राथमिकता निर्धारणमा विशेष महत्व राख्ने उनले बताए । सरकार सञ्चालनमा जनप्रतिनिधि र कर्मचारीबीच प्रभावकारी समन्वय कायम गर्न समेत यसप्रकारका फोरम फलदायी हुने उनले विश्वास व्यक्त गरे ।
पोखरालाई पर्यटन राजधानी घोषणाका लागि संघ सरकारलाई आग्रह गरिएको जनाउँदै उनले हरेक स्थानीय पालिकाहरूले आफ्नो विशेषताअनुसारको योजना बनाउनुपर्नेमा जोड दिए ।
गोष्ठीमा करिडोरअन्तर्गतका पालिकाको अवसर र चुनौती तथा नागरिकप्रति स्थानीय सरकारको जिम्मेवारी मध्यनजर गरी आर्थिक विकासका अवसरको उच्चतम सदुपयोग गर्न र प्रभावकारी समन्वय एवं सहकार्यका प्रयास र त्यसका अनुभवको आदानप्रदान गरिनेछ । मेयर फोरमका अध्यक्ष सन्तोषलाल श्रेष्ठका अनुसार गोष्ठीमा करिडोरअन्तर्गतका पालिकाको विकास निर्माण, भावी योजना र राष्ट्रिय परिस्थितिबारे समेत समीक्षा हुनेछ । साउन २२ सम्म चल्ने गोष्ठीमा यस क्षेत्रका सम्भावनाका विषयमा समेत विभिन्न विज्ञहरूले कार्यपत्र प्रस्तुत गर्ने कार्यक्रम छ ।
२०२८ सालमा भारत सरकारको सहयोगमा निर्मित सिद्धार्थ राजमार्ग (पोखरा–सुनौली) दूरी १ सय ८० किलोमिटर लामो छ ।
Related News
सम्बन्धित समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
गण्डकीमा डायलाइसिसका लागि अब पालो कुर्न नपर्ने
स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१