लाहुरे लागुऔषधविरुद्ध सचेतनामा

आदर्श समाज सम्वाददाता
असार ४, २०७९
Poilce Drugs Photo

पत्रकार सम्मेलनमा लाहुरेसहित एसपी थापा।

पोखरा  । पोखरामा लागु औषधविरुद्ध सचेतना अभियान चलाइने भएको छ । जिल्ला प्रहरी कार्यालय कास्कीले लागुऔषध रोकथाम तथा नियन्त्रण गर्ने उद्देश्यसहित सप्ताहव्यापी सचेतना कार्यक्रम आयोजना गर्न लागेको हो ।

अन्तर्राष्ट्रिय लागु पदार्थ तथा अवैध तस्करीविरुद्धको दिवस अवसरमा सो कार्यक्रम गर्न लागिएको शुक्रबार आयोजित पत्रकार सम्मेलनमा कास्की प्रहरी प्रमुख प्रहरी उपरीक्षक रमेश थापाले जानकारी दिए । उक्त अभियानको मुख्य अभियन्तामा  र्‍यापर आशीष राना लाहुरे हुने छन् ।

एसपी थापाका अनुसार मुख्य कार्यक्रम असार ६ गते पोखरा सभागृहमा आयोजना हुनेछ । कार्यक्रममा र्‍यापर लाहुरेले प्रस्तुतिसँगै आफ्ना अनुभूति सुनाउनेछन् । करिब १० वर्ष लागु औषध सेवन गरेर अहिले छाडेका राना सप्ताहव्यापी यी सबै कार्यक्रममा सहभागी हुनेछन् । उनी लागु पदार्थ सेवनको आरोपमा ५६ दिन जेल बसेर छुटेका थिए ।

पत्रकार सम्मेलनमा रानाले प्रहरीको सकारात्मक व्यवहार लगायत समाज, घर परिवार र आफन्तको सकारात्मक परामर्शका कारण आफू लतबाट उम्किन सफल भएको बताए । अब कहिल्यै लतमा नफस्ने अठोट पनि उनले गरे । ‘लागु औषध सेवन नगर्दा २ महिनासम्म शारीरिकरुपमा केही असजिलो भएको थियो,’  उनले भने, ‘यो सेवन गर्नु गलत बाटो हो । यसले जिन्दगी बिगार्छ भनेर सधंै सचेत हुनु नै पर्दछ । यसमा म दृढ छु ।’

एसपी थापाका अनुसार सप्ताहव्यापी कार्यक्रममा असार ७ गते कास्कीमा रहेका पुनस्र्थापना केन्द्रहरुसँग अन्तक्र्रिया, ८ गते औषधी बिक्रेतासँग छलफल, ९ गते विभिन्न स्कुल र कलेजमा विद्यार्थीसँग सचेतना एवं छलफल, १० गते सञ्चारमाध्यमका विज्ञसँग छलफल, ११ गते समुदायमा भेटघाट र १२ गते अन्तर्राष्ट्रिय लागु पदार्थ तथा अवैध तस्करीविरुद्धको दिवसका अवसरमा पोखरामा साइकल  र्‍याली गरी समापन गरिने छ ।

‘अहिले पनि जिल्ला प्रहरी कार्यालय कास्कीको हिरासतमा रहेका लागुऔषधविरुद्ध मुद्दाका अधिकांश कारोबारी छन्,’ उनले भने, ‘लागुऔषध कारोबारीलाई हदैसम्म कारबाही र अञ्जानमा फसेकालाई परामर्शबाट सुधार गर्ने प्रयास गरिएको छ । आशीष राना पनि यसको उदाहरण हुनुहुन्छ ।’

Related News

सम्बन्धित समाचार

  • अरुणा र प्रदीप वर्ष खेलाडी

    आदर्श समाज सम्वाददाता असार १८, २०७९
    पोखरा, १८ असार । भलिबल खेलाडी अरुणा शाही र टेनिसका प्रदीप खड्का वर्ष उत्कृष्ट खेलाडी घोषित भएका छन् । नेपाल खेलकुद…
  • खानेपानीमा इ–कोली जीवाणु भेटियो

    आदर्श समाज सम्वाददाता असार १८, २०७९
    लमजुङ । जिल्लाका ४ नगरपालिकामा वितरण हुने खानेपानीमा इ–कोलीका जीवाणु फेला परेका छन् । यसले लामखुट्टेबाट सर्ने रोगको भय देखिएको…
  • कटुस पनि किनेर खान्छन् नेपाली

    रासस असार १७, २०७९
    काठमाडौं । नेपाल कसरी परनिर्भर बन्दै गएका छन् भन्ने एउटा सामान्य उदाहरणका रूपमा लिन सकिन्छ नेपालमा भइरहेको कटुसको आयात ।…
  • न्यायिक ज्ञान लिन उपप्रमुखहरु पोखरामा

    धनबहादुर गुरुङ असार १७, २०७९
    पोखरा । हरिनास गाउँपालिका उपप्रमुख इन्द्रकुमारी थापा रानालाई सुझबुझपूर्वक इन्साफ दिन्छु भन्ने दृढ विश्वास छ । पालिकाको न्यायिक समिति निवेदन…
  • समितिको बैठकमा सभापतिमात्रै !

    आदर्श समाज सम्वाददाता असार १७, २०७९
    पोखरा । गण्डकीको अर्थ तथा विकास समितिले अर्थमन्त्री समेतको उपस्थितिमा संसदको गतिरोध अन्त्यका लागि बिहीबार छलफल आयोजना गरेको थियो ।…

hero news full width