पोखरा । डि जानकी एग्रो फार्मले पोखरामा सार्वजनिक सुनुवाइ गरेको छ । कृषि तथा पशुपंक्षी विकास मन्त्रालयअन्तर्गत नेपाल लाइभस्टक सेक्टर इनोभेसन आयोजनाका विषयमा सार्वजनिक सुनुवाइ गरिएको हो ।
आयोजनाको विकेन्द्रीकृत आयोजना सहयोग इकाइ पोखराबाट स्वच्छ दूध उत्पादनका लागि उन्नत पशुपालन व्यावसाय आयोजना पोखरामा फार्मले गर्ने भएको सञ्चालक दीपक तिमिल्सिनाले जानकारी दिए । पोखरा १५, रातीखहरेमा फार्म सञ्चालनका लागि योजना परेको उनको भनाइ थियो । दूध उत्पादन र आधुनिक गोठ निर्माण आयोजनाको उपलब्धि रहने उनले बताए । उत्पादनसँगै बजार व्यवस्थापन यसको प्रमुख कार्य रहेको छ ।
यसका लागि १ करोड ९५ लाख ८१ हजार लाग्ने तिमिल्सिनाले जानकारी दिए । तीमध्ये ५० प्रतिशत रकम अर्थात् ९७ लाख ८० हजार कृषि तथा पशुपंक्षी विकास मन्त्रालयअन्तर्गत नेपाल लाइभस्टक सेक्टर इनोभेसन आयोजनाले अनुदान दिनेछ । बाँकी फार्मले व्यहोर्नुपर्ने हुन्छ । जसमा नबिल बैंकबाट ६० लाख ऋण र ३७ लाख फार्मले व्यहोर्ने उनले बताए ।
सरकारी पक्षबाट हुने अनुदानले नेपालमै पशुपालन गरेर पनि केही गर्न सकिन्छ भन्ने हौसला मिलेको उनको भनाइ थियो । आयोजनाका लागि सम्झौतामा भएअनुसार काम गर्दै तोकिएकै समयमा सक्ने उनले योजना सुनाए । आयोजना २०७९ पुुस ३ सम्म सक्नुपर्ने छ ।
कार्यक्रममा पोखरा १५ का अध्यक्ष प्रकाश पौडेलले कृषिमा आत्मनिर्भर हुन सकेमा देशले विकासमा फड्को मार्ने बताए । मन्त्रालयअन्तर्गत नेपाल लाइभस्टक सेक्टर इनोभेसन आयोजना प्रमुख डा. रेशमराज ज्ञवालीले वल्र्ड बैंकसँग सम्झौता गरेर सस्तो व्याजदरमा ऋण लिएर यो कार्यक्रम सञ्चालन गरिएको बताए । सुरुमा ८० मिलियन डलरबाट गर्ने भनिएको कार्यक्रम पछि घटाएर ५५ मिलियन डलरमा गरिएको उनको भनाइ थियो । सो रकमबाट ७ प्रदेशका २८ जिल्लाका ५ सय कृषकलाई आत्मनिर्भर र व्यावसायिक बनाउने लक्ष्य रहेको उनले सुनाए । कास्कीमा ६ सय ४८ फर्मले निवेदन दिएकोमा डि जानकी एग्रो फार्म छनौट भएकाले नमुना फार्म बन्नुपर्नेमा उनको जोड थियो । विषेशगरी कृषकलाई दूध, मासु र पस्मिनामा व्यावसायीकरण गराउन यो परियोजनाले सहयोग गर्ने उनले बताए ।
Related News
सम्बन्धित समाचार
वेगनास तालको प्रवद्र्धन गर्दै स्थानीय
पोखरा सिँगार्न दिनहुँ श्रमदानमा खटिन्छन् सीताराम
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जग्गाधनीले रोके रुपाताल परियोजनाको काम
सफलको चिनीरहित दही बजारमा
hero news full width
मुख्य समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
एचआइभी संक्रमणले पढाइबाट वञ्चित
जेठ ५, २०८१उषा र प्रकाश पोखरा साइकल दौड च्याम्पियन
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१