लमजुङ । लमजुङका स्थानीय तहले जलविद्युत रोयल्टीवापतको सुविधा रकम पाएका छन् । जिल्लाका ७ पालिकाले आर्थिक वर्ष २०७७/७८ को रोयल्टी वापत २ करोड ९० लाख रुपैयाँ पाएका हुन् । लमजुङ जलस्रोतका हिसाबले मुलुककै धनी जिल्लामा अग्रस्थानमा पर्छ ।
जिल्लामा विभिन्न विद्युत आयोजना सञ्चालनमा आइसकेका छन् भने कतिपय निर्माणको अन्तिम चरणमा छन् । विगतका वर्षमा विद्युत रोयल्टीको रकम स्थानीय तहले पाउन नसकेका थिएनन् । तर यस पटक भने गत आवमा संकलित रकम समयमै आएको हो ।
जिल्लाका ८ मध्ये ७ पालिकालाई महालेखा नियन्त्रकको कार्यालयले २ करोड ९० लाख ९६ हजार रुपैयाँ पठाएको हो । विद्युत रोयल्टी वापतको रकममा सबैभन्दा बढी पाउनेमा मस्र्याङ्दी गाउँपालिका रहेको छ । विद्युत रोयल्टी वापतको सुविधा रकम दुधपोखरीले पाएको छैन । ७ पालिकाले धेरथोर रकम पाएका छन् ।
मस्र्याङदीले सबैभन्दा धेरै १ करोड ४९ लाख पाएको गाउँपालिका अध्यक्ष अर्जुन गुरुङले बताए । सुविधा पाएकामध्ये सबैभन्दा कम पाउनेमा मध्यनेपाल नगरपालिका हो । उसले २ लाख ६१ हजार पायो ।
जिल्ला सदरमुकामसमेत रहेको बेंसिसहर नगरपालिकाले ७१ लाख ९३ हजा, जिल्लाको दोस्रो ठूलो सुन्दरबजार नगरपालिकाले ३९ लाख २१ हजार रुपैयाँ पाएको छ । यस्तै, दोर्दी गाउँपालिकाले १४ लाख २५ हजार, क्होलासोंथारले ८ लाख ९ हजार, राइनासले ५ लाख ६३ हजार रुपैयाँ प्राप्त गरेको छ ।
लमजुङ जलस्रोतका हिसाबले मुलुककै धनी जिल्लामा अग्रस्थानमा पर्छ
मुलुक संघीयतामा गएपछि अन्तरसरकारी वित्त व्यवस्थापन ऐनले प्राकृतिक स्रोतको रोयल्टीको बाँडफाँड गर्दा संकलित रकममध्ये ५० प्रतिशत संघ तथा प्रदेश र स्थानीय तहलाई २५/२५ प्रतिशत दिने व्यवस्था छ । गत आवमा २ अर्ब ८२ करोड जलविद्युत बापत रोयल्टी संकलन भएकोमा संघले १ अर्ब ४१ करोड बराबर पाएको छ । प्रदेश र स्थानीय तहले ७० करोड ६७ लाख बराबर पाएका हुन् ।
महालेखा नियन्त्रक कार्यालयका अनुसार गण्डकी प्रदेशले २२ करोड ८५ लाख १९ हजार रुपैयाँ पाएको छ । देशका ७ मध्ये लुम्बिनी प्रदेशले ७ करोड ९२ लाख, प्रदेश १ ले ३ करोड ७४ लाख ८४ हजार र सुदूरपश्चिमले १ करोड ५ लाख ५८ हजार रोयल्टी बापत पाएका छन् ।
चालु आर्थिक वर्षमा जलविद्युतमा सबैभन्दा बढी बागमतीले ३५ करोड १ लाख ७५ हजार रोयल्टीवापतको रकम पायो भने मधेस प्रदेशले कुनै पनि रकम पाएन । संघीयतापछिका अघिल्ला २ वर्षमा पनि मधेस प्रदेशले विद्युत रोयल्टीबापत कुनै पनि रकम पाएको थिएन । यस वर्ष सबैभन्दा कम कर्णाली प्रदेशले ७ लाख ८१ हजार रुपैयाँ पाएको महालेखा नियन्त्रकको कार्यालयले जनाएको छ ।
Related News
सम्बन्धित समाचार
फेवाको मापदण्ड घटाउन सर्वोच्चमा रिट
गण्डकीमा थुप्रिए रुग्ण र समस्याग्रस्त योजना
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
लोकतान्त्रिक आन्दोलनका जिउँदा सहिद खगेन्द्र सर
वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
hero news full width
मुख्य समाचार
एचआइभी संक्रमणले पढाइबाट वञ्चित
उषा र प्रकाश पोखरा साइकल दौड च्याम्पियन
जेठ ५, २०८१पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१