लमजुङ । लमजुङमा मात्र ४५ हजारमा तीनवर्षे प्राविधिक शिक्षा दिइने भएको छ । राइनास– ८ मा सञ्चालित राइनास बहुप्राविधिक शिक्षालयबाट प्रवीणता प्रमाणपत्र तहको शिक्षा दिइने भएको हो ।
उक्त कार्यलाई स्थायित्व दिन त्यस शिक्षालय भवनको राइनास नगरपालिकाका मेयर सिंहबहादुर थापाले शिलान्यास गरेका छन् । राइनास–८, कसुण्डेचौरमा निर्माण गरिने भवनको मेयर थापाले भूमिपूजनका साथ वैदिक विधिपूर्वक शिलान्यास गरेका हुन् ।
उक्त शिक्षालयमा हाल कृषि विज्ञान र वन विज्ञानको प्रवीणता प्रमाणपत्र तहको तीन वर्षे अध्ययन कार्य सुरु गरिएको छ । शिक्षालयबाट वनका रेञ्जर र कृषिका जेटीहरू तयार हुन्छन् । त्यसका लागि ३ वर्षमा मात्र ४५ हजार रुपैयाँ खर्च हुने र त्यो पनि विद्यार्थीले त्यो अवधिमा त्यही कमाएर त्यो रकम आर्जन गर्न सक्ने गरी यहाँ पढाइने कोर्षको डिजाइन गरिएको उक्त शिक्षालयका प्रमुख ईश्वरी देवकोटाले बताए । उनले भने, ‘यहाँ म आउनुअघि ३ वर्षको शुल्क ६७ हजार निर्धारण गरिएको रहेछ । म आएपछि सबै खर्च सिटिइभिटीले बेहोर्ने भएपछि घटाउनु पर्छ भन्ने प्रस्ताव गरी ५० हजारमा झारिएको हो ।’
उनका अनुसार ५० हजारमध्ये ५ हजार धरौटी हो । विद्यार्थीले पास गरेर प्रमाणपत्र लिएर बिदा हुँदाको दिनमा त्यो फिर्ता पाउछन् । बाँकी ४५ हजारमा वार्षिक १५ हजार हुन्छ । जुन यहाँ विद्यार्थीले आफ्नो रुचिअनुसारको परियोजनामा यहीभित्र अध्ययनक्रममा काम गरेर आर्जन गर्न सक्छन् ।’ अभिभावकलाई बिनाभार विद्यार्थीले सीप सिक्ने र प्रमाणपत्र पाउने प्रमुख देवकोटाले जानकारी दिए ।
४५ हजारमा तीनवर्षे प्राविधिक शिक्षा पढाउने योजनासहित राइनास बहुप्राविधिक शिक्षालयको भवन शिलान्यास
देवकोटाका अनुसार सिटिइभिटीको नीति र उद्देश्य निम्न र मध्यमस्तरको जनशक्ति उत्पादन गर्ने हो । हाम्रो शिक्षालयको सिद्धान्त ‘सिक, कमाउ र तिर’ हो । त्यसैले यहाँ पढ्न आउने विद्यार्थीले आफै सीप सिक्छ, कमाउँछ र उसले पढ्दा यहाँ गरेको लगानी यही तिर्छ र अभिभावकलाई बिनाबोझ ऊ प्रमाणपत्र लिएर दक्ष बनेर निस्कन्छ । भोलिका दिनमा ऊ जहाँ पनि बिक्न सक्छ, टिक्न सक्छ ।
उक्त शिक्षालयमा यतिबेला वन संकायको पहिलो वर्ष र दोस्रो वर्षमा ३८÷३८ जना विद्यार्थी अध्ययन गरिरहेका छन् । कृषितर्फ पूर्ण छात्रवृत्तिमा ४० र नियमिततर्फ २६ जना अध्ययन गरिरहेका छन् ।
राइनास बहुप्राविधिक शिक्षालयको हाता कुल १२५ रोपनी जग्गा क्षेत्रफलमा फैलिएको छ । सोही हातामा ३२ कोठे शैक्षिक भवन निर्माणको लागि शिलान्यास गरिएको हो । त्यस भवनको निर्माण खर्च पुरै सिटिइभिटीले बेहोर्ने गरी टेण्डर भई निर्माण थालिएको हो । उक्त भवन निर्माणको अवधि ठेक्का सम्झौता अनुसार एक वर्षको रहेको छ । ‘सिटिभिटीले सम्पूर्ण खर्च बेहोर्ने गर्ने गरी माथिबाटै टेण्डर गरी सम्झौता गरी आएको भवनको निर्माण लागत ४ करोड ३३ लाख रहेको छ,’ देवकोटाले भने ।
शिक्षालय सञ्चालनक्रममा २ वर्षदेखि वीरभक्ति मावि भवनमा वन विज्ञान र कृषि विज्ञान विषयको तीनवर्षे कोर्स सुरु भइसकेको छ ।
Related News
सम्बन्धित समाचार
फेवाको मापदण्ड घटाउन सर्वोच्चमा रिट
गण्डकीमा थुप्रिए रुग्ण र समस्याग्रस्त योजना
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
लोकतान्त्रिक आन्दोलनका जिउँदा सहिद खगेन्द्र सर
वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
hero news full width
मुख्य समाचार
एचआइभी संक्रमणले पढाइबाट वञ्चित
उषा र प्रकाश पोखरा साइकल दौड च्याम्पियन
जेठ ५, २०८१पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१