पोखरा । नेपाली कांग्रेसको १४ औं महाधिवेशनअन्तर्गत कास्कीका ४ गाउँपालिकामा शुक्रबार नै नयाँ नेतृत्व चयन भएको छ । तीमध्ये २ वटामा सर्वसम्मत र २ वटामा निर्वाचन भएको हो । रुपा र अन्नपूर्ण गाउँपालिमामा शुक्रबार नै सर्वसम्मत रुपमा कार्यसमिति चयन भएको थियो । पोखरा महानगरपालिकासहित माछापुच्छ«े र मादी गाउँपालिकामा शनिबार चुनाव भएको हो ।
रुपामा विमलबाबु न्यौपानेको सभापतित्वमा सर्वसम्मत चयन भएका छन् । मनोनयनमा अन्य २ जनाले पनि दर्ता गराएका थिए तर हाई कमान्ड बनाएर सर्वसम्मत समिति बनाइएको हो । उपसभापतिमा गेसबहादुर गुरुङ र शंकरलाल श्रेष्ठ छन् भने सचिवमा बुद्धिबहादुर खड्का र विकल ओझा तथा सहसचिव विकाश ओझा र निर्मल केसी छन् ।
अन्नपूर्णको नेतृत्वमा मनपति भण्डारी चयन भए । उपसभापति सुशील भट्टचन र गौमाया नेपाली, सचिव कृष्णप्रसाद सुवेदी र विजय गुरुङ एवं सहसचिव ध्रुव घले र मुक्ति गुरुङ चयन भएका हुन् ।
मादी गाउँपालिका अध्यक्षमा मात्र १ मतअन्तरले यामबहादुर गुरुङ निर्वाचित हुन सफल भए । उनको ९३ मत आउँदा निकटतम प्रतिस्पर्धी देवीजंग गुरुङले ९२ मत पाए । सचिवमा भोजबहादुर गुरुङ र देवीजंग गुरुङ निर्वाचित भएका छन् । उपसभापतिमा लीलामोहन कुइँकेल र कृष्णचन्द्र बराल सर्वसम्मत भएका थिए ।
माछापुच्छ्रे गाउँपालिकामा वीरेन्द्र गुरुङ सभापतिमा निर्वाचित भएका छन् । उनले आफ्ना निकटतम प्रतिस्पर्धी मधुसुदन अधिकारीलाई १५ मतअन्तरले परााजित गरेका हुन् । दुवै उम्मेदवारले प्यानल घोषणा गरेका थिए । उपसभापतिमा अधिकारीको प्यालनबाट रामबहादुर गुरुङ र मीनबहादुर गुरुङ, सचिवमा केशवराज अधिकारी र सञ्जय लम्साल तथा सहसचिवमा बालकृष्ण गौतम र महादेव गुरुङ निर्वाचित भए । सहसचिव गुरुङ भने वीरेन्द्र प्यानलका हुन् ।
यता, पोखरा महानगरपालिकामा शनिबार रातिदेखि मतगणना सुरु भएको छ । यहाँ ६ जना सभापतिका उम्मेदवार छन् । वडाध्यक्षहरु मोहनप्रसाद बास्तोला, रामराज लामिछाने, पत्रकारहरु गंगाधर पराजुली र ज्योति हमाल, कांग्रेस नेता मिलन तिवारी, पोखरा उद्योग वाणिज्य संघका महासचिव सुरेन्द्रमान विजुक्छे प्रतिस्पर्धामा छन् । यस्तै, महानगर समिति उपसभापतिमा ६ जना, सचिवमा ३ जना, सहसचिवमा ७ जना उम्मेदवार चुनावी होडमा छन् । सबै पालिकाको सदस्य भने सर्वसम्मत चयन भएका छन् ।
यो समाचार तयार पार्दा राति साढे १० बजेसम्म पोखरा महानगरको १ सय ४४ मतगणना सकिएको छ । सभापतिमा सुरेन्द्रमान बिजुक्छे ४६ मतसहित अगाडि छन् । यस्तै, गंगाधर पराजुलीको ३७, रामराम लामिछानेको २१, मोहनप्रसाद बास्तोला र मिलन तिवारीको समान १३ तथा ज्योति हमालको मात्र २ मत छ ।
यस्तै उपसभापतिमा भवसागर बराल (५८), प्रयागराज भण्डारी (३९), निर्दोषविक्रम पौडेल र राजेन्द्र बराल (३७), कृष्णप्रसाद अधिकारी (३४), शिव केसीले १८ मत ल्याएका छन् । सचिवमा टुवराज बास्तोला ‘विशाल’ (९३), गणेशबहादुर थापा (८६) र सुरेन्द्रबावु तिवारी (६३) ले मत ल्याएका छन् । सहसचिवतर्फ संघर्ष कोइराला (६७), नरेन्द्र बास्तोला (५३), पुष्पराज सिग्देल र सञ्जय आले (३४), लक्ष्मी बास्तोला (३१) र रवीन कायस्थको (२७) मत छ । शनिबार भएको मतदानमा १ हजार ३ सय ४४ मत खसेको निर्वाचन समितिले जनाएको छ । चुनावमा १ हजार ३ सय ७० मतदाता थिए ।
Related News
सम्बन्धित समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
गण्डकीमा डायलाइसिसका लागि अब पालो कुर्न नपर्ने
स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१