नयाँ किताब पाए, जवाफ पाएनन्

सविन लामिछाने
असार २२, २०७८
news of student

दमौली । व्यास ६ वादीका रमेश कुँवर कक्षा ५ उत्तीर्ण गरी ६ मा भर्ना हुन गए । कुँवंरले झोलाभरि नयाँ किताब बोकेर घर फर्किए । झोलाभरि किताब पाउँदा उनी दंग उनले कक्षाकोठामा पढाइ कहिले भन्ने प्रश्नको जवाफ भने पाएनन् । कोरोना जोखिम कहिले हट्छ यो तत्कालै कसैले जवाफ दिनसक्ने सवाल नै होइन । ‘किताब पाइयो । स्कुल जान कहिले पाइने हो ठेगान छैन,’ उनले भने, ‘छिटो यो महामारी हटोस् अनि विद्यालय जान पाइयोस् ।’
कोरोना महामारी नभएको भए वैशाखबाट नै नयाँ शैक्षिक सत्र सुरु हुने थियो । कोरोना कहर झेल्दै तनहँुका सामुदायिक तथा निजी विद्यालयले १ असारदेखि विद्यार्थी अभिलेखीकरण र उपलब्ध पाठ्यपुस्तक वितरण गर्न सुरु गरेका हुन् । सामुदायिक विद्यालयमा विद्यार्थी संख्या आधारमा निशुल्क पाठ्यपुस्तक वितरण पनि सुरु गरिएको छ । ‘विद्यार्थीको अभिलेखीकरण गर्ने र पाठ्यपुस्तक वितरण सँगसँगै थालेका छौँ’, विद्यालय प्रधानाध्यापक रामकाजी श्रेष्ठले भने । उनले थपे, ‘स्वास्थ्य सावधानी अपनाएर विद्यार्थी भर्ना गर्ने र पाठ्यपुस्तक वितरणको काम गरिरहेका छौं ।’
जिल्लाका १० वटै स्थानीय तहअन्तर्गत सबैजसो विद्यालयमा विद्यार्थी अभिलेखीकरण गर्ने र पाठ्यपुस्तक वितरणको काम भइरहेको छ । नियमित पठनपाठन कहिलेदेखि हुने भन्नेमा अन्यौल छ । विद्यालयले आन्तरिक मूल्यांकनको आधारमा अघिल्लो शैक्षिक सत्रको नतिजा निकालेर भर्ना सुरु गरेका हुन् । व्यास नगरपालिका शिक्षा शाखा प्रमुख नगेन्द्रप्रसाद रेग्मीका अनुसार निशुल्क पाठ्यपुस्तकका लागि सामुदायिक विद्यालयमा शतप्रतिशत रकम निकासा गरिएको छ । निशुल्क पाठ्यपुस्तकका लागि ५७ लाख २६ हजार ८ सय ३७ रुपैंयाँ विद्यालयमा पठाइएको हो । विद्यार्थी भर्ना अभिलेखीकरण असार १ गतेदेखि गर्न शिक्षा मन्त्रालयको निर्देशन थियो । जिल्लाका केही विद्यालयले अनलाइन कक्षा पनि सुरु गरेका छन् । तर ग्रामीण भेगमा अनलाइन पठनपाठन सुरु हुन सकेको छैन ।
अभिभावकले आफ्ना सन्तानको शैक्षिक अवस्था राम्रो होस् भन्ने हेतुले जेनतेन निजी स्कूलमा भर्ना गरेर पठनपाठन गराउने गर्थे । तर कोरोना महामारीले आर्थिक मन्दी छ । अभिभावकको आम्दानी घटेको छ । जसका असर विद्यार्थी भर्नामा देखिएन थालेको छ । अघिल्ला वर्षहरुमा निजी विद्यालयमा छोराछोरी पढाइरहेका अभिभावक अहिले सरकारीतर्फ लम्किएका छन् ।

Related News

सम्बन्धित समाचार

    • सातामै करिब २९ सय संक्रमित

      आदर्श समाज सम्वाददाता श्रावण ११, २०७८
      पोखरा  । गण्डकी प्रदेशमा पछिल्लो साता थप २ हजार ८ सय ८९ जना संक्रमित भएका छन् । लकडाउन खुकुलो भएसँगै संक्रमित…
    • पोखराको पहिलो आकाशे पुल सञ्चालनमा

      रासस श्रावण ११, २०७८
      पोखरा । पर्यटकीय नगरी पोखराको मुख्य ठाउँ सिर्जनाचोकमा यात्रु आवतजावत गर्ने आकाशे पुल सञ्चालनमा आएको छ । बढ्दो जनसङ्ख्या र…
    • जसपामायादव पक्षको बहुमत

      रासस श्रावण ११, २०७८
      काठमाडौं । निर्वाचन आयोगले जनता समाजवादी पार्टी (जसपा) का कार्यकारिणी सदस्यको सनाखत लिएको छ । जसपाका अध्यक्ष उपेन्द्र यादव र…
    • चन्द्रबहादुरको आम्दानी ३० हजार, भाडा डेढ सय

      सविन लामिछाने श्रावण ११, २०७८
      दमौली । पृथ्वीराजमार्गको छेउमै टिनले छाएको र टिनले नै बारेको टंकी । त्यही टंकीको सहारामा पालिन्छन् चन्द्रबहादुर नेपालीको परिवारका ९…
    • कोरोना कहरमा झन् बढे भ्रष्टाचारका उजुरी

      धनबहादुर गुरुङ श्रावण ११, २०७८
      पोखरा । कोरोना महामारीकै बीचमा गत वर्षको पुस २२ गते तनहुँमा १ जना इन्जिनियर डेढ लाख घुससहित पक्राउ परे ।…

    hero news full width

    Gandaki University

    sanil ads

    wordlink ads