म्याग्दी । बेनी नगरपालिका–५, पछैमा रामायण पार्क निर्माण हुने भएको छ । संस्कृति, पर्यटन तथा नागरिक उड्डयन मन्त्रालय र नगरपालिकाको साझेदारीमा पछैमा रामायण पार्क निर्माण हुने भएको हो ।
पार्कको बिस्तृत परियोजना प्रतिवेदन डिपिआर तयार भएको छ । डिपिआर अनुसार पहिलो चरणमा रामायण पार्क निर्माणका विषयमा पछैमा स्थानीय र सरोकारवालाबीच छलफल भएको छ । पौराणिक प्रमाणलाई यथावत राखेर पार्क बनाइने भएको छ । पहिलो चरणमा रामायणको मूर्ति, बगैंचा, विश्रामस्थल, धर्मशाला लगायतका पूर्वाधार बनाइने भएको छ । बजेटको उपलब्धता र आवश्यकता आधारमा पूर्वाधार निर्माणलाई क्रमागत रुपमा निरन्तरता दिइने नगर प्रमुख हरिकुमार श्रेष्ठले बताए । उनले मन्त्रालय र नगरपालिकाबीच समन्वय नहुँदा ढिलाइ भएको बताए । पुलह पुलत्स्य क्षेत्रको १४ रोपनी जग्गामध्ये पहिलो चरणमा ४ रोपनीमा रामायण पार्क बनाउन लागिएको नगरपालिकाका इन्जिनियर बिमलरञ्जन कार्कीले बताए ।
हालको मन्दिर, हवन कुण्ड, रावणको नाबी गाडेको ठाउँ लगायत पुरानो संरचना यथावत राखेर पूर्वाधार बनाइने भएको छ । कुल २३ करोड रुपैयाँ लागत अनुमान गरिएको पार्कलाई चालू आर्थिक वर्षमा पर्यटन मन्त्रालयले २ करोड ११ लाख र नगरपालिकाको १ करोड १४ लाख बिनियोजन गरेका छन् । धेरै प्राविधिक काम भएको कारण ठेक्का प्रक्रियाबाट योजना कार्यान्वयन गर्न लागिएको नगरपालिकाका प्रमुख प्रशासकीय अधिकृत छविलाल सुवेदीले बताए ।
उनका अनुसार योजना २ वर्षभित्रमा सक्ने लक्ष्य राखिएको छ । २०६६ मा म्याग्दी उद्योग वाणिज्य संघका अध्यक्ष प्रमोदकुमार श्रेष्ठ लगायतले म्याग्दी भित्रिने पर्यटकको बसाइँ लम्बाउन र मुक्तिनाथ आवतजावत गर्ने धार्मिक पर्यटकलाई लक्षित गरेर बेनीमा रामायण पार्क बनाउने योजनाको परिकल्पना गरेका थिए ।
बेनी नगरपालिकाले गौरवको आयोजना रुपमा पार्क निर्माण अघि बढाएको हो ।
२०७४ देखि नै बजेट बिनियोजन गरे पनि ठाउँ छनोट हुन नसक्नु र स्रोत अभावमा रोकिएको रामायण पार्कको योजनालाई नगरपालिकाको गौरवको आयोजना रुपमा कार्यान्वयनमा लैजान लागेको नगर कार्यपालिकाको भौतिक पूर्वाधार विकास समिति संयोजक कृष्णकुमार विश्वकर्माले बताए ।
निवर्तमान संघीय सांसद भूपेन्द्रबहादुर थापाले रामायण पार्क म्याग्दीको गौरवको योजना मात्र नभएर पौराणिक महत्वको उजागर र धार्मिक पर्यटनको विकासमा सहयोग पुग्ने बताए । उनले निर्माण हुने पार्कको भौतिक संरचना दिगो बनाउन स्थानीयको भूमिका महत्वपूर्ण भएको बताए । स्तरोन्नति क्रममा रहेको अर्थुङ्ग–पुलाचौर पुलाचौर–पूर्णगाउँ सडक आयोजनालाई प्रभावकारी बनाउन सकेमा रामायण पार्क आवतजावत गर्ने पर्यटकलाई सुविधा पुग्ने उनको भनाइ छ ।
जिल्ला समन्वय समितिका प्रमुख देवेन्द्रबहादुर केसीले गलेश्वर, पछै, जगन्नाथ र टोड्केलाई जोडेर नयाँ गन्तव्यस्थल रुपमा विकास गर्नुपर्ने बताए । पुलह पुलत्स्य क्षेत्र विकास कोषका अध्यक्ष लीलाबहादुर बानियाँ, गलेश्वर शिवालय क्षेत्र विकास कोषका सदस्य सचिव माधवप्रसाद रेग्मी, कर्णबहादुर बानियाँ, भीमबहादुर बानियाँ लगायतले पछैमा रामायण पार्क बन्न लागेकोमा खुसी व्यक्त गरे । हिन्दू धर्मग्रन्थ श्रीमद्भागवत् पुराणको पाँचौ अध्यायमा रावणको जन्म पछैमा भएको उल्लेख छ । पुलह, पुलत्स्य र भरत ऋषिले पछैमा तपस्या गरेको पुराणमा व्याख्या गरिएको छ ।
Related News
सम्बन्धित समाचार
निसीखोला दुर्घटनाका घाइते भन्छन्- चालकको लापरबाहीले दुर्घटना भयो
सहकारी प्रकरणमा गृहमन्त्री लामिछाने दोषी प्रमाणित भए कारबाही गर्नेे प्रधानमन्त्रीको प्रतिबद्धता
पोखराको काहुँडाँडामा भीषण आगलागी
बागलुङको निसीखोलामा बस दुर्घटना हुँदा ७ को मृत्यु, २० घाइते
मनाङेले लिए मन्त्रीको सपथ, टिक्ला पाण्डे सरकार ?
hero news full width
मुख्य समाचार
दीपक मनाङेलाई भाैतिक मन्त्रालय
चौथो पटक मन्त्री बन्दै दीपक मनाङे, आजै शपथ खुवाउने तयारी
चैत्र ५, २०८०सुन तस्करीमा संलग्न रहेको आरोपमा माओवादी उपाध्यक्ष कृष्णबहादुर महरा कपिलवस्तुबाट पक्राउ
चैत्र ५, २०८०गण्डकीका नयाँ प्रदेश प्रमुख भट्टले सम्हाले पदभार
चैत्र ४, २०८०विश्व पर्यटन बजारमा पोखराको ‘ब्राण्डिङ’ हुन्छ : मुख्यमन्त्री पाण्डे
चैत्र ४, २०८०बाबुरामलाई संसद सचिवालयले भन्यो : महिन्द्रराय र उमरावती माओवादीकै सांसद
चैत्र ४, २०८०