पोखरा । गण्डकी प्रदेशमा कोरोना संक्रमित हुनेको संख्या दिनानुदिन घट्दै गएको छ । बिहीबार ३ सय ३३ संक्रमित थपिएकोमा शुक्रबार १ सय ८४ जना संक्रमित भएका हुन् । प्रतिशतका आधारमा पनि अघिल्लो दिन १ हजार १ सय ३४ जनाको परीक्षण गर्दा २९ दशमलव ३६ प्रतिशत थियो । शुक्रबार १ हजार १ सय २४ जनाको स्वाब परीक्षण गर्दा १६ दशमलव ३७ प्रतिशतमा कोरोना पोजेटिभ भएको हो ।
पछिल्लो १ हप्तामा प्रदेशभर २ हजार ५ सय ३८ जना संक्रमित थपिएका छन् । त्योभन्दा अघिल्लो हप्तामा ३ हजार ९ सय ९३ जना नयाँ संक्रमित थपिएका थिए । शुक्रबार १ सय ८४ जनामा मात्र संक्रमित थपिएका थिए भने सबैभन्दा बढी जेठ १३ गते १७ सय ३३ जनामा कोरोना पोजेटिभ देखिएको थियो ।
शुक्रबार कास्कीका ८१ सहित लमजुङ र म्याग्दीका १/१ पर्वतका २६ साथै तनहुँका २८ जनामा कोरोना पोजेटिभ देखिएको हो । मनाङ, मुस्ताङ र गोरखामा संक्रमितको संख्या शून्य हुँदा बाग्लुङका १८, स्याङ्जाका २ र नवलपुरका १७ जना नयाँ संक्रमित थपिएका छन् । प्रदेशका ८ जिल्लामा ९८ पुरुष तथा ८६ जना महिलामा कोरोना पुष्टि भएको हो । योसँगै गण्डकी प्रदेशमा कोरोना संक्रमितको कुल संख्या ५१ हजार ९ सय ५२ पुगेको छ । प्रदेशमा सक्रिय संक्रमितको संख्या ४ हजार ६ सय ५१ पुगेको छ ।
कोरोना संक्रमितको संख्या घटिरहँदा कोरोनामुक्त हुनेको संंख्या बढेको छ । शुक्रबार ५ सय १३ जनाले कोरोना जितेका छन् । योसँगै प्रदेशभर कोरोना निको हुनेको संख्या ४६ हजार ४ सय २५ पुगेको छ । प्रदेशको मनाङमा सबै संक्रमित निको भएका छन् । जिल्लामा १ सय २ जना संक्रमित भएकोमा १ जनाको मृत्यु भएको छ भने अरु सबै निको भएसँगै मनाङमा कोरोना संक्रमित शून्य छ । सबैभन्दा बढी कास्कीमा १९ हजार ८ सय ७५ जना कोरोनामुक्त भएका छन् ।
देशभर पछिल्लो २४ घन्टामा थप २ हजार ७ सय ६८ जनामा कोरोना संक्रमण पुष्टि भएको छ । १३ हजार ३७ जनाको परीक्षण गर्दा पिसिआर विधिबाट १ हजार ९ सय ६३ तथा एन्टिजेन विधिबाट ८ सय ५ जनामा संक्रमण पुष्टि भएको हो । हालसम्म पिसिआर विधिबाट ६ लाख १७ हजार ९ सय ४७ तथा एन्टिजेन विधिबाट २४ हजार ८ सय ६१ जनामा संक्रमण पुष्टि भइसकेको छ । यही अवधिमा थप ४ हजार २० जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ । नेपालमा हालसम्म ५ लाख ४९ हजार ६ सय ८२ जना निको भइसकेका छन् । नेपालमा निको हुने दर ८९ प्रतिशत रहेको छ ।
नयाँ संक्रमितभन्दा निको हुने बढी रहेसँगै हाल सक्रिय संक्रमितको संख्या घटेर ५९ हजार ६ सय २४ पुगेको छ । यसमध्ये ५५ हजार ३ सय ७५ जना होम आइसोलेनमा, ४ हजार २ सय ४९ संस्थागत आइसोलेसनमा, ८ सय ७२ जना आइसियु तथा २ सय ४६ जना भेन्टिलेटरमा छन् ।
प्रदेशमा कोरोनाबाट ११ जनाको मृत्यु
गण्डकी प्रदेशका थप ११ जना कोरोना संक्रमितको मृत्यु भएको छ । कोरोनाबाट ज्यान गुमाउनेमा कास्कीका ४, म्याग्दीका ३, बागलुङ, तनहुँ, गोरखा र नवलपुरका १÷१ जना रहेको प्रदेश स्वास्थ्य निर्देशनालय पोखराले जनाएको छ ।
कास्कीको रूपा गाउँपालिका २ का ५४ वर्षीय पुरूषको मेडिप्लस अस्पताल, पोखरामा उपचारको क्रममा मृत्यु भएको हो । कास्कीकै पोखरा महानगरपालिका १३ की ६७ वर्षीया कोरोना संक्रमित महिलाको मनिपाल शिक्षण अस्पताल, पोखरामा उपचारको क्रममा ज्यान गएको हो । पोखरा महानगरपालिका ३२ का ८७ वर्षीय कोरोना संक्रमित पुरूषको पोखरा स्वास्थ्य विज्ञान प्रतिष्ठान, पोखरामा उपचारको क्रममा निधन भएको हो । पोखरा महानगरपालिका ३ का ५२ वर्षीय संक्रमित पुरूषको पोखरा स्वास्थ्य विज्ञान प्रतिष्ठान, पोखरामा उपचारको क्रममा दुखद निधन भएको हो । नवलपुरको कावासोती नगरपालिका १ का ७७ वर्षीय पुरूषको चितवन मेडिकल कलेज, चितवनमा उपचारको ज्यान गएको हो । गोरखाको सहिद लखन गाउँपालिका १ का ४१ वर्षीय पुरूषको उपचारको क्रममा काठमाडांैमा निधन भएको हो ।
यसैगरी म्याग्दी जिल्ला, बेनी नगरपालिका २ का ५० वर्षीय पुरूषको बेनी अस्पताल, म्याग्दीमा उपचारको क्रममा मृत्यु भएको हो । म्याग्दीकै बेनी नगरपालिका २ का ७६ वर्षीय पुरूषको होम आइसोलेसनमा ज्यान गएको हो । म्याग्दीको मालिका गाउँपालिका ५ की २५ वर्षीया महिलाको फेवासिटी अस्पताल, पोखरामा उपचारको क्रममा निधन भएको हो । बागलुङको बडिगाड गाउँपालिका ७ का ९१ वर्षीय पुरूषको बुर्तिबाङ प्राथमिक स्वास्थ्य केन्द्र, बागलुङमा उपचारको क्रममा मृत्यु भएको हो । तनहुँको शुक्लागण्डकी नगरपालिका ८ की ७० वर्षीया महिलाको ग्यालेक्सी अस्पताल, पोखरामा उपचारको क्रममा ज्यान गएको हो ।
योसँगै प्रदेशमा कोरोना संक्रमणबाट निधन हुनेको संख्या ८ सय ७६ पुगेको छ । देशभर पछिल्लो २४ घन्टामा थप ४४ जनाको मृत्यु भएको छ । हालसम्म ८ हजार ६ सय ४१ जनाले ज्यान गुमाइसकेका छन् । नेपालमा कोभिड १९ को मृत्यु दर १.६ प्रतिशत छ ।
Related News
सम्बन्धित समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
गण्डकीमा संविधान भर्सेज सर्वोच्च
पोखराको अमरसिंहको बिजुली पसलमा आगलागी, १ करोडको क्षति
hero news full width
मुख्य समाचार
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१