पोखरा । गण्डकी प्रदेश सरकारले प्रदेशका ७३ वटा पालिकामा स्वास्थ्य पूर्वाधार विकास गर्न ३ करोड ६० लाख खर्चिने भएको छ । मुख्यमन्त्रीसमेत रहेका पृथ्वीसुब्बा गुरुङले शुक्रबार स्वास्थ्य मन्त्रालयको जिम्मेवारी सम्हाल्दै प्रतिपालिका ५/५ लाख रुपैयाँ दरले दिने निर्णय गरेका हुन् ।
मुख्यमन्त्रीका प्रेस संयोजक विक्रम न्यौपानेका अनुसार प्रदेशका कुल ८५ मध्ये ७३ पालिकामा स्वास्थ्य पूर्वाधार विकासका लागि सो रकम खर्चिन सक्ने जनाइएको छ । बाँकी १२ पालिकामा समेत स्वास्थ्य पूर्वाधारका लागि बजेट माग भए तत्काल पठाउने निर्णय भएको उनले बताए ।
स्वास्थ्य मन्त्रालयको जिम्मेवार सम्हाल्दै मुख्यमन्त्री गुरुङले कोभिड–१९ रोकथामका लागि कर्मचारीलाई दोस्रो तथा तेस्रो लहरको खोप र अक्सिजन प्लान्टमा जोड दिन निर्देशन दिए । उनले खोप खरिद गरेर गाउँगाउँमा पु¥याउने र सुरक्षित भण्डार गर्न निर्देशन समेत दिए । उनले भने, ‘सरकारले स्वास्थ्य मन्त्रालय स्मार्ट बनाउने हो । अब स्मार्ट हेल्थको कार्यक्रम सँगै जिल्ला अस्पतालको सुदृढीकरण गर्नुपर्छ ।’
अब वैज्ञानिक ढंगले जनस्वास्थ्यको पुनसंरचना गर्नुपर्छ भन्दै उनले अक्सिजन प्लान्ट स्थापना, पिसिआर रिपोर्ट २४ घन्टाभित्र उपलब्ध हुने व्यवस्था, होम आइसोलेसनमा बसेकालाई परामर्श र मेडिकल किट उपलब्ध गराउनुपर्नेमा जोड दिए ।
‘कोभिड–१९ रोकथाम र उपचारका लागि निजी अस्पतालहरु र पालिकाहरुसँग समन्वय गर्नुपर्छ । प्राविधिक कर्मचारीहरुलाई प्रोत्साहन गर्नुपर्छ,’ मुख्यमन्त्री गुरुङले भने, ‘यो संकटको बेला हो । सबैले सहकार्य गर्नुपर्छ, समन्वय गर्नुपर्छ ।’
Related News
सम्बन्धित समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
गण्डकीमा डायलाइसिसका लागि अब पालो कुर्न नपर्ने
स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१