पोखरा । जसपाका अध्यक्ष महन्थ ठाकुर  नेता राजेन्द्र महतोले प्रधानमन्त्री केपी शर्मा ओलीसँग भर्खरै भेट सकेका छन् । भेटका क्रममा उनीहरुले प्रधानमन्त्रीलाई  विश्वासको मत दिन नसकिने बताएका छन् ।

विश्वासको मत नदिने बरु तटस्थ बस्ने जानकारी ती नेताले प्रमलाई गराएका हुन् ।

कांग्रेस सभापति शेरबहादुर देउवालाई बूढानीलकण्ठमा भेटेपछि अध्यक्ष ठाकुर र वरिष्ठ नेता राजेन्द्र महतो प्रधानमन्त्री निवास बालुवाटार छिरेका थिए ।

जसपाका अर्का अध्यक्ष डा‍ बाबुराम भट्टराई र उपेन्द्र यादव पक्षले यसअघि नै ओलीलाई साथ नदिने बताइसकेका छन् ।

एमालेकै माधव नेपाल पक्ष, नेपाली कांग्रेस र माओवादी केन्द्र पनि ओलीको विपक्षमा छन् ।

प्रधानमन्त्री ओलीले विश्वासको मत लिने प्रयोजनका लागि भाेलि विशेष अधिवेशन बोलाइएको छ । तर अधिवेशन अगावै राजनीतिक उथलपुथल हुने अनुमान गरिएको छ ।