हेमजा । सराङ्कोट बजारका कृष्ण तिमिल्सिनाले स्थानीय शिव मन्दिरमा धूपबत्ती गर्न थालेको पनि करिब १०/१२ वर्ष भयो ।
सुरुका १/२ वर्ष खुला स्थानका शिला भगवान् मानेर पुजेका उनले केही वर्षको अन्तरालमा गाउँलेले ढुंगाको गारो लगाएर मन्दिर निर्माण गरेपछि पनि पूजा गरे । तर छानो गतिलो भएन । पानी पर्दा सबै चुहिने । कतिपय अवस्थामा भलबाढी पनि पस्थ्यो ।
सामान्य पूजाविधि जानेका उनलाई स्थायी संरचनाको मन्दिर निर्माण गर्न पाए हुन्थ्यो भन्ने महसुस भयो । जसअनुसार सराङ्कोट धार्मिक एवं पर्यटन क्षेत्र विकास समिति अध्यक्ष प्रेमबहादुर जिसीको टोलीसमक्ष कुरा राखे । जिसीले सबै कुरा मिलाएर यज्ञ गर्ने बताए । सबैसँग हात फैलायो भने कसो मन्दिर निर्माण गर्न नसकिएला भन्ने जिसीलाई लाग्यो ।
त्यसपछि कुन माध्यमबाट पैसा जुटाउन सकिएला भन्ने उनमा जिज्ञासा भयो । उनले सबैमाझ बैठक बसाली यो कुरा राखे । फलस्वरुप गाउँले मन्दिरमा स्थायी संरचना विकासका लागि महायज्ञ लगाउने निर्माण गरे ।
फलस्वरुप २०७५ माघ २१ बाट सप्ताहव्यापी यज्ञ गरियो । जसमार्फत करिब ४ करोड रकम जुट्यो । जुन मन्दिर निर्माण आधार स्तम्भ बन्न पुग्यो । मन्दिर निर्माणमा करिब ८० प्रतिशत रकम तिनै दानवीरको छ । त्यस्तै कतिपय अवस्थामा सहयोग उठाउँदै काम पनि गरिएको छ ।
पछिल्लो यज्ञ सम्पन्नसँगै २०७६ फागुनबाट शिव मन्दिर निर्माण फटाफट सुरु भयो । सोमवारसम्म मन्दिर निर्माण काम करिब ८० प्रतिशत सकिएको छ । तीव्र गतिमा निर्माण भएको देख्दा पण्डित तिमिल्सिना यतिबेला फुरुंग छन् । उनमा निर्माणाधीन मन्दिरको मुख्य पण्डित हुन नसके पनि सहायक पण्डितसम्म त हुन्छु भन्ने आत्मविश्वास समेत पलाएको छ ।
सराङ्कोटलाई पर्यटकीय क्षेत्र अलावा धार्मिक अस्थाको केन्द्रका रुपमा देश विदेशमा चिनाउने मुख्य उद्देश्य साथ भक्तपुरको कृष्ण मन्दिर शैलीमा निर्माण भइरहेको छ । जसका लागि प्रयोग हुने सम्पूर्ण सामग्री र जनशक्ति पनि भक्तपुरबाटै ल्याइएको छ । निर्माणमा हालसम्म ६ करोड बढी खर्च पनि भइसकेको छ ।
विभिन्न समयमा महायज्ञ गरी उठेको रकमबाट निर्माण कार्य जारी राखिएको सराङ्कोट धार्मिक एवं पर्यटन क्षेत्र विकास समिति कोषाध्यक्ष शिवप्रसाद तिमिल्सिनाले जानकारी दिए । यतिबेला हवन कुण्ड तथा बाल निर्माण, तामाको पाताबाट छाना मोड्ने (३ करोड लागत) र १ सय ८ शिवलिंग स्थापना तयारी पनि भइरहेको छ । मन्दिर यसै वर्ष शिवरात्रिसम्म सम्पन्न गरी उद्घाटन तयारी गरिएको छ ।
यसअघि प्रवेशद्वार निर्माण, सामुदायिक भवन, रेलिङ राख्ने लगायत काम भइसकेका छन् । साथै म्युजियम अवधारणलाई पनि अगाडि बढाइएको छ । सराङ्कोट टावरस्थित भूमे कालिका मन्दिर र भैरव मन्दिरको सामान्य स्तरोन्नति सोच पनि राखिएको छ ।
महाशिवरात्रि, तीज, बालाचर्तुदशी लगायत चाडमा यस मन्दिरमा विशेष पूजाआजा हुँदै आएको छ । जसमा ५ वटा भगवान् शिवको परिवारको दिव्य मूर्ति राख्ने तयारी अन्तिम चरणमा छ । मन्दिरको पूर्व उत्तरतर्फ एक सय ८ शिवलिंग तथा पूर्व दक्षिणतर्फ छुट्टै हवनगृह निर्माण भइरहेको छ ।
आउँदो शिवरात्रिमा सम्मानित व्यक्तित्वबाट मन्दिर उद्घाटन गर्ने तयारी समितिको छ । २०६१ सालमा यज्ञ लगाई मन्दिरको स्तरोन्नतिका लागि तदर्थ समिति गठन भएको करिब १७ वर्षपछि मात्रै योजनाले सार्थकता पाउन लागेको हो । मन्दिर निर्माणमा पोखरा महानगरपालिकाबाट हालसम्म करिब २ करोड सहयोग प्राप्त भएको जनाइएको छ ।
मन्दिर पुनर्निर्माणकै लागि फरक फरक स्थान (पोखराको बगर, बास्तोलाथर र काठमाडौंमा समेत) मा गरी हालसम्म ५ महायज्ञ भइसकेका छन् । मन्दिर पुनर्निर्माणमा संस्थापक अध्यक्ष लोकबहादुर थापाको महत्वपूर्ण भूमिका रहेको अध्यक्ष जिसी स्मरण गर्दछन् ।
Related News
सम्बन्धित समाचार
होमस्टे महासंघ गण्डकीको प्रशिक्षण
पर्यटनकर्मीलाई ‘पर्यटकमैत्री सेवा’ सम्बन्धी तालिम
पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
पोखरा भिलेज अब चारतारे
ढोरपाटन सिकार आरक्ष आसपासमा तीस घरबास सञ्चालन गरिने
hero news full width
मुख्य समाचार
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१